Dereta: Duhet njohur pavarësinë e Kosovës

Dereta: Duhet njohur pavarësinë e Kosovës






Mendoj se në këtë çast, politika jonë e pengimit të njohjes së Kosovës vetëm shtyn diçka që në afat të gjatë duhet të ndodhë patjetër, ajo është njohja e pavarësisë së Kosovës në Ballkan.


Çështjen e Kosovës duhet zgjidhur shpejt, madje në mënyrë radikale. Kështu ka thënë Milenko Dereta, drejtor ekzekutiv i organizatës joqeveritare nisma qytetare në Beograd, duke thënë se nuk duhet shtyrë njohja e pavarësisë së Kosovës. “Ata të cilët nuk dëshirojnë të jetojnë me ne dhe nuk duhet të jetojnë. Kjo është çështje e vetë atyre njerëzve në atë territor. Ata njerëz kanë të drejtë të jetojnë atje ku kanë jetuar dhe të jetojnë në atë mënyrë që dëshirojnë të jetojnë, në një sistem të cilin dëshirojnë ta organizojnë për vete. Mendoj se në këtë çast, politika jonë e pengimit të njohjes së Kosovës vetëm shtyn diçka që në afat të gjatë duhet të ndodhë patjetër, ajo është njohja e pavarësisë së Kosovës në Ballkan”, ka thënë Dereta duke i dhënë rëndësi të veçantë ndërtimit të marrëdhënieve të fqinjësisë së mirë.