EULEX-i nuk lejoi vazhdimin e punës te Kroi i Vitakut

EULEX-i nuk lejoi vazhdimin e punës te Kroi i Vitakut


Policia e EULEX-it nuk ka lejuar vazhdimin e punës për rindërtimin e shtëpive të shqiptarëve në lagjen Kroi i Vitakut.




Mitrovicë - Policia e EULEX-it nuk ka lejuar vazhdimin e punës për rindërtimin e shtëpive të shqiptarëve në lagjen Kroi i Vitakut, në pjesën veriore të Mitrovicës. Punëtorëve shqiptarë që kishin shkuar te shtëpitë ë djegura gjatë luftës, për të vazhduar punën në rindërtimin e tyre, u kërkuar të mos e bëjnë këtë, në mënyrë që të evitohen incidentet eventuale me serbët, të cilët kundërshtojnë rindërtimin e shtëpive të shqiptarëve në këtë lagje. Një grup serbësh ishin grumbulluar jo larg shtëpive të shqiptarëve, për të penguar punën e shqiptarëve. Rindërtimi i shtëpive të shqiptarëve në lagjen Kroi i Vitakut është ndërprerë dje, pas një incidenti të provokuar nga serbët. Ata i kanë gjuajtur me gurë shqiptarët, kurse këta të fundit janë kundërpërgjigjur. Gjatë incidentit janë lënduar shtatë persona, pesë shqiptarë dhe dy serbë. Policia ka konfirmuar se në vendin e ngjarjes është dëgjuar edhe një shpërthim dhe të shtëna me armë.