Faton Ratkoceri: Ah

Faton Ratkoceri: Ah

Ah premtimi
Ah fjala e dhënë
Ah besa besë
Erdhi vapa e verës
Ngrohu e u tret

Ah fjala e dhënë
Vjeshta dhelpërisht afroi
Zverdhi gjethet
Zverdhi shpresën
Zverdhi e thau çdo gjë

Ah besa besë
Shiu të qarat e hyjneshave
Përplasën ndjenjat
Furtunë i bartën tutje
Gjethet e zverdhura
Premtimet e kalbura

Ah Krishtlindjet po afrojnë
Ah premtimi
Ah fjala e dhënë
Ah besa besë ...

f’R
3 nëntor 2009 23:52

... vazhdim

Ah si s'munda
Të shkund injorancën
Nga qënia jote e brishtë
Ah si s'të vërejta
Eh s'të kisha më larg se hunda
Ah jetë e poshtër
Ah fëlliqësirë
Ah komshi i keq
Ah më qëndron rëndë mbi supe
Ah zotëra si s'keni mëshirë
Ah populli im
Sa i ri sa energjik
Sa i çoroditur
Ah si s'më dëgjoni
Ah po munda t'ju jap veshët e mi
Ah po munda t'ju jap sytë e mi
Ah s'dua asgjë në këmbim
Ah ah ah ...
Do vazhdoj të tretem si qiri
Tju falë pak dritë