Akllapi Net - Forum i Hapur
Would you like to react to this message? Create an account in a few clicks or log in to continue.
Akllapi Net - Forum i Hapur

Serbia premton reforma dhimbshme

Akllapi Net - Forum i Hapur :: Bota dhe Evropa

Shko poshtë

Serbia premton reforma dhimbshme Empty Serbia premton reforma dhimbshme

Mesazh nga Agim Gashi Mon Dec 28, 2009 3:11 pm




Serbia premton reforma dhimbshme




Gazeta gjemane “Die
Welt”, nga Christoph B. Schiltz, 23. dhjetor

Kryetari Tadiç bëri
kërkesën e vendit të tij në BE – ngurrime në Bruksel:
Krimineli serb i luftës Mladic, akoma në liri

Brukel/Stokholm
– Evropa gjendet para një raundi të ri të zgjerimit. Pas hyrjes
së 12 shteteve në vitet 2004 dhe 2007, në vitet e ardhshme do të
hyjnë vendet e Ballkanit Perëndimor me 25 milion banorë. BE aderimi
u pat premtuar vendeve të Ballkanit në Selanik në vitin 2003.
Tani ata ngulin këmbë në mbajtjen e premtimit. Dje Serbia parashtroi
kërkesën zyrtare për pranim në BE.

Kryetari serb Boris Tadiç
ia dorëzoi kërkesën në Stokholm Kryeministrit, që është kryetari
radhës Frederik Reinfeldt. Tadiçi foli për një „pikë kthimi“,
për një periudhë ku se në Serbi do të pasojnë „reforma
të thella dhe nga një herë edhe të dhimbshme“. Ministri i Punëve
të Jashtme të Suedisë Carl Bild tha: „Ka një lëvizje të re
në tërë Ballkanin Perëndimor“. Kërkesa për aderim bëhet 9 vite
pas rrëzimit të kryetarit serb Sllobodan Millosheviç, i cili duhej
të përgjigjej për krime e luftës në Den Hag.

Qarqet e larta të BE presin
që Serbia t´i bashkëngjitet Unionit në fillim të vitit 2014. Një
proces i gjatë aderimi me plot barriera si në rastin e Turqisë përjashtohet
në rastin e Serbisë. Vendi, i cili gjendet mu para derës së BE-së,
sipas mendimit të evropianëve, është shumë i rëndësishëm për
stabilitetin e Ballkanit.

Në anën tjetër, shumë
vende evropiane, si për shembull Holanda apo Belgjika kanë shumë
dyshime për pranimin e Serbisë në këtë kohë. Edhe raportuesi i
Parlamentit Evropian për Serbinë, Jelko Kacin, tërhoqi vërejtjen
se aderimi nuk duhet të ndodhë aq herët. Ata që ngurrojnë përmendin
para së gjithash se forcat e sigurisë serbe, akoma nuk kanë arrestuar
dy të akuzuar si kriminelë të luftës; shefin e armatës serbe të
Bosnjës Ratko Mladiç, si dhe udhëheqësin e dikurshëm të
serbeve të Kroacisë, Goran Haxhiç.

Përveç kësaj, e ashtuquajtura
marrëveshje për stabilitet dhe asociim, që është e domosdoshme
për bisedimet e aderimit, akoma nuk është ratifikuar plotësisht.

Me gjithë ngurrimet, shumë
Qeveri të BE-së, kryetari i radhës Suedia dhe para së gjithash
Spanja, që do ta udhëheq BE në gjashtë muajt e ardhshëm, insistojnë
në përshpejtimin e procesit. Kjo vjen edhe nga Italia. Kryesisht ishin
këto vende që inkurajuan Qeverinë e Beogradit të bëjë tani kërkesën
për aderim. Ministri i Punëve të Jashtme të Spanjës Miguel Angel
Moratinos do të bëjë çdo gjë që është e mundur që Serbia ta
fitojë statusin e kandidatit. Kjo është parakusht për fillimin e
bisedimeve për aderim. Kandidat, mirëpo bëhet një vend, vetëm atëherë,
kur vendosin 27 shtete të BE-së, kjo bëhet pas përgjigjeve të një
pyetësori të gjatë. Kjo mund të zgjasë shumë, siç shihet për
shembull tek Mali i Zi. Vendi ka bërë kërkesën në vitin 2008 dhe
nuk është akoma kandidat. Edhe Shqipëria duhet të presë ende për
statusin e kandidatit. Qeveria e Tiranës në prill të këtij viti
ka bërë kërkesë aderimi. Para disa javëve Komisioni e BE-së ia
ka dorëzuar 2280 pyetje, në të cilat duhet të përgjigjet. Fjala
është për pyetjet në ekonomi dhe sistemin juridik.


Tani kandidat veç Turqisë,
janë Maqedonia dhe Kroacia. Kroacia edhe pse ka problem tani me Slloveninë
për shkak të kufirit në Adriatik, pritet të anëtarësohet në janar
të vitit 2011. Në 17 prej 35 fushave politike bisedimet e aderimit
kanë përfunduar, për 11 të tjera janë në bisedim e sipër.
Hyrja e Kroacisë do ta rriste shumë presionin e vendeve të Ballkanit
Perëndimor mbi BE-në për t´u pranuar më shpejtë. Kjo mund t´i
japë impulse procesit të hyrjes Serbisë, Shqipërisë, Malit të
Zi dhe Maqedonisë. Unioni gjendet para debateve të nxehta. Vendet
tepër të varfra dhe të karakterizuara nga korrupsioni si Shqipëria,
Bosnja Hercegovina dhe Kosova në rastin më të shpejt do të jenë
të gatshme për hyrje në BE në vitin 2025. Në anën tjetër në
Ballkanin Perëndimor mund të krijohet një shoqëri dy klasore, të
cilën e theksojnë shumë anëtarë të BE-së dhe vendet që aspirojnë
aderimin. Kjo mund të behet e rrezikshme dhe të çojë në destabilizimin
e ri. Këtë nuk e dëshiron askush në Bruksel.
Nga gjermanishtja: Naser Aliu

albemigrant


Agim Gashi
Agim Gashi
Administrator
Administrator

Numri i postimeve : 45955
Age : 69
Location : Kosovë
Registration date : 17/11/2008

Mbrapsht në krye Shko poshtë

Mbrapsht në krye

- Similar topics

Akllapi Net - Forum i Hapur :: Bota dhe Evropa

 
Drejtat e ktij Forumit:
Ju nuk mund ti përgjigjeni temave të këtij forumi