Itali, masakër në një familje shqiptare, 2 të vdekur

Itali, masakër në një familje shqiptare, 2 të vdekur



ITALI- Masakër në një familje shqiptare në Itali. Dy emigrantë shqiptarë janë ekzekutuar me armë zjarri në banesën e tyre ndërsa një grua bashkë me foshnjën e saj 5 muajshe kanë mbetur të plagosur rëndë. Ngjarja ka ndodhur ne nje lagje te qytetit Olbia ne shtetin fqinj.
Mesohet se autori i krimit makabër është 69 vjecari Nino Cherchi, i njohur si numri 2 i bandës sarde të viteve 60. Pas kryerjes së krimit 69 vjecari është vetëdorëzuar në polici.
Policia italiane njofton se viktimat janë Gazmend Peka 30 vjec,dhe Kasem Memaj 32 vjec. Gruaja e plagosur Ariana Zelo, 31 vjec bashkëshortja e Pekës dhe nëna e foshnjës 5 muajshe ka marrë 3 plumba në gjoks dhe është dërguar menjëhërë në spital, ndërsa fëmija ka marrë disa plagë të lehta gjatë përpjekjes së nënës për ti shpëtuar breshërisë së plumbave.
69 vjecari ka shkarkuar një karikator të tërë të pistoletës duke qëlluar me nga 2 plumba në kokë secilin nga viktimat, ndërsa gruaja është prekur nga 3 plumba që fluturuan në ajër.
Sipas informacioneve të para, ngjarja ka ndodhur pas një grindjeje të lidhur me pagesën e qerasë së banesës ku jetonin shqiptarët e cila ishte në pronësi të italianit Nino Cherchi.
Specialistë të kriminalistikës dhe hetues italianë kanë mëbrritur në vendin e ngjarjes dhe po punojnë për zbardhejn e plotë të krimit.