Rama ulet në tryezë me Berishën

nga **Agim Gashi** Fri Oct 22, 2010 9:04 pm

Rama ulet në tryezë me Berishën

Ndryshe nga ç'kishte paralajmëruar, opozita shqiptare ka befasuar me pjesëmarrjen e saj në tryezën për reformën zgjedhore, të inicuar nga kryeministri Sali Berisha.
Udhëheqësi socialist Edi Rama ka marrë pjesë në mbledhjen e sotme, ndonëse më parë e kishte refuzuar publikisht ftesën.
Ai i ka praqitur kryeministrit Berisha një propozim konkret, sipas të cilit 35 deputetë socialistë kërkojnë ngritjen e një komisioni hetimor parlamentar për të bërë transparencën e zgjedhjeve të 28 qershorit 2009, kërkesë që, sipas tij, është e bazuar në rezolutën së parlamentit europian.
Zoti Rama tha se vetëm pranimi i këtij kompromisi do të çonte në nisjen e punës për reformën zgjedhore.
Kreu i opozitës socialiste tha se Shqipërisë i duhet një kod i ri dhe përsëriti se i duhet dhënë fund 'krizës së thellë politike' në Shqipëri.
Kreu i maxhorancës Sali Berisha tha se do ta shqyrtonte kërkesën.
Ai tha se në zgjedhjet e 28 qershorit nuk ka patur manipulime dhe se ishte i gatshëm 'të numuroj çdo votë'.
Kryeministri Berisha premtoi se kutitë e tyre uk do të digjeshin. Ndërkohë zoti Berisha përsëriti se ishte i gatshëm të pranonte çdo propozim të opozitës, pasi Shqipërisë i duhen zgjedhje të lira.
I pranishëm në takim ambasadori i OSBE-së, Wollfarth tha se ishte e nevojshme gjetja e konsensusit midis forcave politike për ti dhënë fund krizës në vend.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31