Albert Zholi sjell shkrimin:PRINDËRIT NË GJYQ SE FËMIJTË MËSOJNË SHQIP

nga **Agim Gashi** Sat Nov 20, 2010 12:50 am

Albert Zholi sjell shkrimin:PRINDËRIT NË GJYQ SE FËMIJTË MËSOJNË SHQIP

Strugë, 19 nëntor

Albert Zholi sjell shkrimin:PRINDËRIT NË GJYQ SE FËMIJTË MËSOJNË SHQIP 03Gericht_AP

Është tepër paradoksale se çfarë vendimesh sjell Minsitria e arsimit dhe vetë ministry Nikolla Todorov. Nga njëra anë këmbëngul që nxënësit shqiotar të nësojnë maqedonishtenn nga klasa e parë, ndërsa nga ana tjetër nuk lejon që shqiptarët nga fshati Podgorcë i Strugës, të mësojnë në gjuhën amtare-shqipe.

Para më shumë se një viti, Këshilli i komunës ka sjellë vendim për hapjen e paraleleve me mësim në gjuhën shqipe në shkollën fillorë “Goce Dellçev”, miratuar përmes shkresës që komuna e Strugës ka marë nga Ministria e arsimit

Sipas shkresës së dërguar në selinë e administratës komunale në Strugë, Ministria e arsimit, përmes shkresës së nënshkruar nga sekretarja shtetërore e Ministrisë së arsimit dhe shkencës, Elizabeta Todorovska, jep “dritë jeshile”, duke shtruar edhe kushte, të cilat duhet të përmbushë autoriteti lokal-Këshilli dhe komuna e Strugës.

Në shkresën e Ministrisë së arsimit shkruan: “Lidhur me kërkesën tuaj nr.03-1341, datë 28.10.2009,për të dhënë mendim pozitiv për formimin e paraleles me numër më të vogël të nxënësve në shkollën fillore “Goce Dellçev” në fshatin Podgorcë, Ministria e arsimit dhe shkencës ju informon se sipas kërkesës së Këshillit të komunës, do të jape mendim pozitiv nëse: nuk nevojiten mjete plotësuese finansiare, ose, nëse komuna këto mjete plotësuese finansiare do ti sigurojë nga buxheti komunal”.

Mirëpo, nga drejtori i shkollës, inspektorati arsimor dhe nga Ministria e arsimit, nxënësve që vijojnë mësimin në gjuhën shqipe nuk ua pranojnë vijim në shkollë dhe ndaj prindërve të tyre është ngritur procedurë gjyqësore.

Jam nja nga prindërit e fëmijve që vijojnë mësimin në gjuhën shqipe në Podgorcë dhe kjo është hera e dytë që ngrihet padi pranë Gjykatës Themelore në Strugë nga ana e inspektorit të arsimit dhe me uratën e ministrit të arsimit. Një herë ishim në gjyq ku u mbajt vetëm një seancë, ndërsa tani sërish kemi padi dhe Gjykata ka caktuar seancën për datën 22 nëntor, ndaj nuk dij se çfar do të ndodhë. Fëmijtë tanë që vijojnë mësimin në gjuhën shqipe e jo në gjuhën maqedonase, trajtohen dhe konsiderohen sikur fare nuk vijojnë mësimin. Ne si prindër kemi bërë kërkesë për hapjen e këtyre paraleleve dhe ato i kemi adresuar deri tek ministry dhe kryetari i komunës e Këshilli si themelues i shkollave dhe nga Këshilli dhe komuna kemi marrë përgjigje positive, ndërsa nga ministri nuk kemi kurrfar përgjigje. Kemi pasë një përgjigje nga zëvëndësministreja e arsimit, Lindita Qazimi, por fatkeqësisht, pas dy ditëve ministri Nikolla Todorov e ka shfuqizuar dhe tërhequr këtë vendim. Fëmijtë tanë kanë mbaruar klasën e parë dhe të dytë, por nga ana e drejtorit nuk kanë marrë asnjë dëftesë.

Nga bisedat e zhvilluara me zëvëndësministren Lindita Qazimi jemi në dijeni se ministri është informuar nga zëvëndësja e tij, por ai nuk deklarohet. Ne kemi shprehë dëshirë që të ftojmë ambasadorin e Shqipërisë në Maqedoni, Arben Çejkun që të vizitojë fshatin tonë dhe të njihet me situatën, ngjashëm me intervenimet që bëjnë maqedonasit në Shqipëri për mësimin e gjuhës maqedonase.

Arsimtaret që punojnë në këtë shkollë janë me përgatitje të lartë profesionale, ndërsa nuk janë në listën e pagave nga Ministria e arsimit, por janë në listën e buxhetit komunal.

Prindërit e fëmijve që kanë filluar vijimin e mësimit në gjuhën shqipe, vazhdimisht janë kërcënuar e frikësuar nga ana e drejtorit dhe inspektorit të arsimit, se pos tjerash ata do të gjobiten me gjoba të larta për këtë këmbëngulje..

Për këtë problem e kemi informuar edhe avokatin e Popullit i cili mbështet të drejtën për shkollim në gjuhën që e kemi zgjedhur- u shprehën Fadil Rexhoski dhe Sead Sadikoski.

Gjorgji Arsov, drejtor i Inspektoratit shtetëror të arsimit, lidhur me këtë problem është shprehur: “Prindërit i dërgojnë fëmijët e tyre në shkollë e cila nuk ekziston, që nuk është e verifikuar, që nuk ka pëlqim, që në fakt është e jashtligjshme-e egër. Dmth. nuk është në pyetje fakti që mësimi ndiqet në gjuhën shqipe. Problemi është se ajo shkollë fillore nuk mund të funksionojë pa qenë e përfshirë në sistemin arsimor. Duhet mendim pozitiv nga Ministria e Arsimit, ndërsa ajo nuk e posedon një gjë të tillë. Të vetmin pëlqim që e posedon është ai që e ka nga këshilli komunal, por ai është i pamjaftueshëm.

Seanca gjyqësorë ndaj këtyre prindërve të fëmijve që mësojnë në gjuhën shqipe në Podgorcë, do të mbahet ditën e hënë më 22 nëntor, në Gjykatën Themelore në Strugë.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31