Mentor Thaqi:URIME DHE GËZUAR DITËLINDJEN O VËLLAU IM I DASHUR - GANI!!! -Vargje urimi-

nga **Agim Gashi** Sun Dec 26, 2010 9:11 pm

Mentor Thaqi:DITËLINDJA E VËLLAUT, GANIUT!

O vëlla, vëllau im,

ti sot ke Ditëlindjen,

u rritem jetimë,

por, kurrë s´humbem bindjen,

se një ditë dhe ne,

do na ngrohë një Diell,

do kemi një jetë t´re,

pas një vuajtje t´thellë!

E mbaj mënd si sot,

atë natë kur u linde,

katër vjeç e gjysmë, carrok,

me atë botën time,

atëdimër t´egër,

që s´më shlyhet kurr,

n´atë shtëpi të vjetër,

eh, babai i sëmurë!

Eh, e përgëzuan babain,

të afërm dhe fçinjë,

tash kisha vëllaun,

do e vras vetminë!

Por, ai sytë me lot,

thellë, qe përmallua,

dhe sot m´duket po thotë:

- Unë pa ta e k´ta pa mua!

Ah, ç´ndjenjë e dhimbshme!

Kur po më kujtohet,

se ç´jetë e mundimshme,

që mendja kthjellohet

dhe me njëmijë vuajtje,

n´ktë botë të mistershme,

u munduam me ndruajtje,

t´bëjmë një jetë të ndershme!

Nuk di sa ia dolëm,

me aq sa kemi ditur,

mendoj, u përpoqëm,

t´varfër, por jo t´koritur,

dhe, nënës atë borgj,

përjetësisht ia kemë,

e shkreta n´jetë u dogj,

që ne t´lumtur t´jemë!

Po, shumë gjëra mbaj mënd,

vëllau im i dashur,

ty, disi pa rend

lazdruar t´ka pasur,

na thoshte gjithmonë:

- Do ti bëhen mend!

Dhe, ankesa jonë,

rrallë, mund t´gjente vend!

Eh, pite e kungullur,

për ty kishte më tepër,

se syrin e uritur,

ti "grabitqari" i vjetër,

por, gjithmonë i dhimbshëm,

i shkretë, dorëlirë, ...

kokëfortë, i vështirëbindshëm,

por, shpirtë e zemër t´mirë!

Merre vëlla atë Tren,

eja ke vëllai,

se na dogji malli

dhe jeta keq na kalli!

Mi sjellë Besartë dhe Etnik,

se kemi nostalgji,

edhe këtu n´mërgim,

të kemë një Copë Shqipni!

Urime dhe Gëzuar,

Ditëlindjen o vëlla

dhe mos harro kurrë,

pas ndonjë zënke, hidhërim,

jo, dashuria pushuar,

për TY kurrë nuk ka,

zemra të don shumë,

ta dishë, o vëllau im!

Dhe Nënës po i thëm,

për t´parën herë, hapur:

- Të falemnderit o Nënë!

Doja t´isha i matur,

është ndjenjë e mirë,

të mos jeshë i vetëm,

në këtë botë-pisllëk t´pështyrë,

ne njëri-tjetrin gjetëm!!!

Mentor Thaqi VS., 26.12.2010

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31