Ah këto gjashtë pikat!!!

Konuzin: Kosova duhet t’i përmbahet 6-pikëshit


Nga Express më 18.03.2009 në ora 15:55

Prishtina duhet të përmbushë marrëveshjen e arritur mes Beogradit dhe OKB-së, që përfshihet në planin gjashtëpikësh. Ky është qëndrimi i Moskës zyrtare, i shprehur përmes ambasadorit të saj në Beograd, Aleksandar Konuzin.

Diplomati rus është cituar nga mediat serbe të ketë thënë se Kosova është problemi i vetëm, për të cilin Rusia nuk mund të gjejë gjuhë të përbashkët me SHBA-të. Por ai ka siguruar popullin “vëlla” serb se Moska nuk e ka ndërmend të ndryshojë qëndrimin e saj.

Konuzin ka thënë se pozicioni rus ndaj Kosovës vendoset në Beograd. “Rusia do të përkrah pozicionin e qeverisë Serbe, e cila bartë përgjegjësi ndaj popullit serb”, është shprehur ai.

Sa i përket EULEX-it, Konuzin konsideron se detyrë e këtij misioni është kryesisht zbatimi i Planit të Ahtisaarit.

Kermabon sot në Beograd


Nga Express më 19.03.2009 në ora 14:27

Shefi i EULEX-it, Yves de Kermabon, sot do të qëndrojë në Beograd, ku pritet të takojë zyrtarët serbë të drejtësisë, policisë dhe të financave.

Zëdhënësja e misionit evropian për drejtësi dhe polici, Karin Lamdal, tha se në takimet me zyrtarët serbë Kermabon do të bisedojë rreth bashkëpunimit të ndërsjellë në fusha të ndryshme e posaçërisht në ato të rendit dhe të ligjit, duke përfshirë edhe luftimin e krimit të organizuar dhe çështjet e krimeve të luftës.