Veteranët heqin dorë nga protestat

nga **Agim Gashi** Fri Jul 01, 2011 10:57 pm

Veteranët heqin dorë nga protestat

Ndonëse disa ditë më parë u kishin dhënë afat institucioneve që deri në fund të kësaj jave të miratohet ligji për vlerat e luftës, në të kundërtën do të nisin me protesta, Kryesia e Këshillit për Mbrojtjen e të Drejtave të ish-luftëtarëve të UÇK-së ka vendosur që megjithatë të mos ketë protesta, por që të vazhdohet me grevë deri në realizmin e kërkesave.

Veteranët e UÇK-së, të cilët tashmë kanë hyrë në muajin e dytë të grevës në tendat e vendosura përpara ndërtesës se Qeverisë, paralajmërojnë se pa miratimin e Ligjit për vlerat e luftës së UÇK-së nuk do të largohen.

Qeveria e Kosovës kohë më parë kishte paralajmëruar se Ligji do të procedohet në Kuvendin e Kosovës, por një gjë e tillë ende nuk ka ndodhur.

Të pakënaqur me këtë grevistët paralajmëruan protesta gjithëpopullore, ndërkohë që kryetari i Këshillit të ish-luftëtareve të UÇK-së Xhevdet Qeriqi ka thënë për Kosovapress se kryesia e këshillit ka vendosur megjithatë që të mos ketë protesta.

Grevistët shprehen të zhgënjyer me institucionet e Kosovës, të cilat po vazhdojnë të zvarrisin miratimin e ligjit për vlerat e luftës, pas aprovimin e të cilit ata thonë se nuk do t’i japin fund grevës.

Ndryshe, ish-luftëtarët e Ushtrisë Çlirimtare të Kosovës kanë hyrë në ditën e 39 të grevës. Zgjatja e grevës ka bërë që grevistëve ditë pas dite t’u përkeqësohet shëndeti. Por, pavarësisht kësaj, ata ritheksojnë se janë të vendosur në kërkesat e tyre dhe nuk do të pranojnë asnjë lloj premtimi, por vetëm miratimin e ligjit që e njeh të plotë luftën e UÇK-së dhe popullit për liri.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31