Rrëzohet pllaka e betonit, tetë të lënduar në Klinë

nga **Agim Gashi** Wed Nov 23, 2011 9:31 pm

Rrëzohet pllaka e betonit, tetë të lënduar në Klinë

Tetë persona kanë marrë lëndime të rënda dhe të lehta trupore si pasojë e rrëzimit të pllakës së betonit në stadiumin e Klinës që është në ndërtim e sipër. Ngjarja ka ndodhur sot rreth orës 13:50 minuta në lagjen Dukagjini të Klinës ku ndodhet dhe stadiumi “18 Qershori”.

Të lënduarve ndihma e parë shëndetësore i është dhënë në Qendrën Kryesore të Mjekësisë Familjare në Klinë, ndërsa me pas me automjete të ndihmës së shpejt dhe policisë janë dërguar në Spitalin Rajonal të Pejës.
Gjashtë prej tyre janë ndaluar në trajtim mjekësor në Pejë dhe gjendja e tyre është mjaftë e rëndë. Motra medicinale në QKMF-në e Klinës, Fatime Hoti, ka njoftuar se të lënduar kanë mbetur: R.H. (1980), N.M. ( 1978), B.F. ( 1980), A.K. ( 1975), B.S. ( 1981), I.D. ( 1968), E.H. ( 1984) dhe B.T. ( 1978).

Rrëzohet pllaka e betonit, tetë të lënduar në Klinë 23klina

Rrëzohet pllaka e betonit, tetë të lënduar në Klinë 23klina

Të gjithë këta janë punëtor të firmës që është duke kryer punimet në stadiumin e Klinës dhe shtatë prej tyre janë nga kjo komunë.

Doktoreshë Ardiana Prenaj, thotë se pas trajtimit të lënduarit kanë pasur vetëdije ani pse kanë lëndime të rënda. Ndërkohë dy persona të tjera janë duke marrë trajtime mjekësore në QKMF-në e Klinës dhe gjendja e tyre shëndetësore është pak me e mirë.

Ata, kanë deklaruar se kanë qenë duke punuar dhe në atë moment është shembur pllaka e betonit. Disa punëtor kanë përfunduar nën rrënoja por falë intervenimit të shpejtë të popullatës, policisë dhe ekipit mjekësor aty ata janë nxjerrë të gjallë.

Rasti është konfirmuar edhe nga policia. Zëdhënësi i Policisë rajonal në Pejë, Zeqir Kelmendi, ka konfirmuar se gjashtë persona janë të lënduar si pasojë e rrëzimit të pllakës së stadiumit, derisa ajo ishte duke u mbushur. Ai tregon se sipas mjekëve në Spitalin e Pejës, gjendja e të lënduarve është më e mirë dhe se ata janë jashtë rrezikut për jetë.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31