Dashnim Hebibi:Bashkëbisedim me vdekjen

nga **Agim Gashi** Tue Aug 28, 2012 8:55 pm

Poezi kushtuar poetes, profesoreshës Sadete Presheva, e cila u nda nga jeta, para pak orëve në Durrës të Shqipërisë
27.08.2012

Dashnim Hebibi:Bashkëbisedim me vdekjen

I fola vdekjes
bisedova me te për disa minuta
atje te Shkëmbi i Kavajës
rrinte në mërzi e herë, herë, donte të thonte diçka
I bërtita, e zëri doli i mbështjellur me vaj
një frymë deti më ra në sy
shihej Durrësi
shiheshin disa pika loti që vinin nga lart
e atje te Shkëmbi i Kavajës
mora guximin të vazhdoj bisedën
plasi pika e shiut
qielli pa vranësira
flak zemra më shkonte
ku e more emërin i thash
rrinte e qetë donte të thonte diçka
sytë mu përlotën
nuk e dija pse
shikoja lart në qiell
harta e Albanis së vogël mu duk
kuptova ate që e dinte vetëm vdekja
me shpejtësi kaloi shpirti
bashkë me te kaloi edhe amaneti
përnjëherë kapa frymën e Shqipërisë mëmë
një histori e madhe 100 vjeçare
takova Konicën, Fishtën, Naimin, Samiun…
fola me vdekjen
besa, edhe i bërtita për së dyti herë
aty e takova në varg duke folur me poeten
u ndala
u mundova të flas përsëri
fjala nuk më doli
sytë folën
gjuha e tyre ishte loti
loti i mbështjellur me varg
vdekja rrudhi krahët
deshti të thotë diçka me alfabetin e saj
përsëri nuk e kuptova
deshta ti flas edhe njëherë
nuk më shikoi
deshti të largohet
mori me vete diçka shumë të shenjtë
e ngriti lart
e ngriti nga qielli
përnjëherë dritë
përnjëherë rreze
pash hartën e Albanis së vogël
aty ishte edhe Skënderbeu
vinin vargjet për Preshevë
vin vargjet për rininë
vinin vargjet për bashkim
ndalu i thash të përshëndes
shkoi, shkoi në amshim
e duke shkuar, vinin lutje
jep unitet, suksese dhe shëndet

Dashnim HEBIBI, 28.08.2012, ora 22.45

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31