Asllan Dibrani: Kadri Mani - ish i burgosur politik nën regjimin jugosllav - i pa përkulur!

nga **Agim Gashi** Fri Oct 12, 2012 12:29 pm

Asllan Dibrani: Kadri Mani - ish i burgosur politik nën regjimin jugosllav - i pa përkulur!

Kadri Mani - ish i burgosur politik nën regjimin jugosllav - i pa përkulur !

Nga Asllan Dibrani

Vdekja e Kadri Manit tronditi gjithë rruzullin shqiptar, ku ndihet fryma e kombit shqiptar, aty ku ka aromë të Shqipërisë etnike, aty ku lulet i mbolli Kadri Mani për një Shqipëri të bashkuar. E tronditi botën shpirtërore të krijuesve në frymën kombëtare, na tronditi ne ish të burgosurve politik për çështjen kombëtare, qe në kazamatet serbe ndamë një mollë në 4 vende! Kadri Mani la zbrazëtira në krijimtarinë e tij, si publicist, gazetar në rubrikat aktuale në të gjitha gazetat, ai la zbrazëtirë në teatrot artistike qe në moshe të shtyrë ishte aktiv. Kadri Mani la zbrazët hapësirat e "Zemrës Shqiptare" si qendër informative dhe shkëmbimi të kulturës artit, politikës, ekonomisë e shumë gjerave tjera qe i kishte në plan për qitur ne letër për interesin e rrafshit kombëtar, ti luftonte të këqijat qe fërkohen për çdo ditë rreth strumbullarit kombëtar, progresiven ta ndihmonte deri në realizimin e programit të tij dhe frymëzimin qe kishte për një "Shqipëri Etnike".

Kadri Mani ishte pendë e ndritur e kombit, qe nuk pushoi se vepruari edhe në çastet e fundit në spital. Brezit të tanishëm i la vepra, porosi, edukatë, frymëzim si të duhet atdheu, andaj ta përkujtojmë këtë njeri të regjur për çështjen kombëtare, me

ndezjen e qirinjve, qe ti ndrit shpirti Asllan Dibrani: Kadri Mani - ish i burgosur politik nën regjimin jugosllav - i pa përkulur! Mani-Qirinje2

edhe në atë botë sikur kandili i këtyre qirinjve ma poshtë. Errësirën të najë shndërroj në dritë. T'i ndezim qirinjtë, që është një akt i shenjtë, qe do të thotë, mund të flasin më shumë se fjalët qe po i kushtojmë këtij njeriu të madh të çështjes kombëtare!. . . Ndezja e qirinjve do të jetë një lidhje dhe mirënjohje për të ndjerin Kadri Manin qe dha për kombin shqiptar. Të qoftë dheu i lehtë o Kadri Mani dhe veprat qe le pas vetes, shëmbëlltyra jote, le ti shërbejnë këtij populli si këta qirinj qe t'i sjellin dritë "Shqipërisë Etnike".

Një lajm tepër i dhimbshëm, Ky është një lajm tepër i hidhur për neve ashtu si edhe për juve e nderuara Familja Mani!Në këto raste vështirë se mund te gjej fjalë për ta lehtësuar dhimbjen e familjes tuaj, qe gjendeni shumë te pikëluar edhe te zemëruar me rastin e humbjes se ma të dashurit tuaj. Është tronditëse për JU si dhe për NEVE dhe gjithë "Kombin Shqiptar". Lotët nuk me rrjedhin aq lehtë, por ky lajm tragjik e bëri të veten, nga kujtimet e se kaluarës së hidhur, por edhe të lavdishme qe dha ky burrë i kombit shqiptar për çështjen e "Kombit Shqiptar dhe për Shqipërinë Etnike", qe rrënimi i sistemit jugosllav ishte edhe veper e jotja. Ti Kadri Mani ishe njeriu ma i pa thyeshëm në burgun famëkeq të Nishit qe mbi gjysmën e burgut e kalove ne qelitë e shtëpisë se bardhë, qe shumë shokëve tanë ju mbeten eshtrat në atë burg të egër dhe famëkeq për shqiptarët. Hyri në burg dhe doli i pa lëkundur përkundër reprezaljeve dhe tortura qe u zhvillua kundër teje o njeriu i çeliktë qe pa mëshirshëm të rrëmbeu vdekja!.

Kushtuar Kadri Manit - ish mikut tim nga Burgu i Nishit!

Qelitë e burgut në Nish, Serbi
të mërdhini kockën trupin e gishtëri
vetëm një ideal kishe o i madhi Kadri
ta bëjmë nënën Shqipëri.
i shtrirë në beton të ftohtë
e i torturuar me kërbaç
e pash dhe e preka horizontin
e murit dhe gjurmëve për ardhmërinë
aty e pash edhe gjakun e gjyshërve
dhe stërgjyshërve tanë
i skuqur dhe i vizatuar
me gjak për liri,
gjurmët e çizmes së armikut
fluskat e borës ti mbuluan këmbët
batanijet e kuajve të lagura
nga dritaret e thyera
shkëlqenin nga acari
ti kujtoj vuajtjet tua Kadri Mani
birucën e derës në dhomën e vogël
ushqimin qe na e dhanë sikur qenëve
e bukën e ngrirë
Qëndresa jote ishte e pa thyer
je poshtëruar nga barbarët
në robëri e tmerr të zi
nën okupatorin Serbi
Kadri Mani o burrë i kombit
të kujtojmë për shumë mot
qe luftove për vendin tatë
ishe dhe mbete patriot!.

Telegram ngushëllimi familjes Mani, miqve të Kadri Manit, Agjencisë informative "Zemrës Shqiptare" dhe mediumeve tjera qe ishte bashkëpunëtor, publicistëve, krijuesve, dramaturgëve dhe kombit shqiptar në tërësi!

E nderuara familja Mani, të nderuar miq, të nderuar bashkëpunëtor të "Zemrës shqiptare" dhe mediave tjera, të nderuar publicistë dhe gazetarë, dramaturgë dhe bashëkolegë te të ndjerit Kadri Mani, i pranoni ngushëllimet e mia ma te sinqerta, përmes jush dëshiroj ti shprehu dhembjen dhe ngushëllimet edhe farefisit te gjerë të familjes Mani, në emrin tim dhe ish të burgosurve politik në burgun famëkeq të Nishit në Serbi qe ishim bashkëluftëtar te të ndjerit Kadri Manit. Do ti përcjellim këto dhimbje dhe këtë pikëllim me sa vijon nga emrat e të burgosurve në atë burg !

Berat Luzha, Martin Cuni, Sejdi Veseli, Gani Krasniqi, Hydajet Hyseni, Sylë Muja, Gani Koci, Ramadan–Gashi Dobra, Xajë Nura, Sali Sefa, Bajram Kosumi, Kadri Llugaliu, Sali Salihu, Rexhep Maqedanci, Musli Kosumi, , Muhamet Rogova, (Xhemail Krasniqi i vdekur në burgun e Nishit nga keqtrajtimet)! Sejdi Elezi, Bedri Bajrami, Hasan Ukëhaxha, Enver Dugolli, Agim Sahiti, Halit Berisha, Sabri Sopi, (Gursel Sylejmyani dëshmor i vrarë në luftën e Jezercit në Ferizaj me gjthë vellaun Bajramin) !?. . . Sejdullah Musliu, Jonuz Musliu, Myslim Dobruna, Selim Zhubi, Hysen Gega, Sherif Konjufca, Milaim Krasniqi, Vehbi Fetahu, Xhvat Zeka, Ali Lajqi, Emin Krasniqi Ahmet Isufi, Salih Mala, Ramiz Arifi, Skender Vardari unë Asllan Dibrani dhe ti i madhi Kadri Osmani qe ishim në shërbimin e atdheut.

Të qoftë i lehtë dheu i Shqipërisë Etnike! Të ndritë varri i tokës së bekuar që aq shumë e deshte, punove dhe sakrifikove për te ! Me dashuri, respekt dhe pikëllim të thellë e krenari, nga miku i juaj Asllan Dibrani.

Shtutgard, tetor 2012

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31