Manifestim në Shkup, marrin pjesë Berisha dhe Thaçi

nga **Agim Gashi** Sun Nov 25, 2012 3:34 pm

Manifestim në Shkup, marrin pjesë Berisha dhe Thaçi

Paralajmërohet spektakël i madh për 100 vjetorin

Shkupi është bërë “kuq e zi”. Flamujt kombëtarë dhe logoja e 100 vjetorit duken në çdo cep të rrugëve të kryeqytetit të Maqedonisë. Flamujt valëvisin gati se në çdo shtëpi, ndërsa ndërtesat janë mbuluar po ashtu nga simbolet kombëtare.
Këto pamje tregojnë se gjithçka është gati për manifestimin e sontëm të 100 vjetorit të flamurit shqiptar që do të mbahet në sallën Boris Trajkovski, e cila tubon 15 mijë qytetarë. Në manifestim marrin pjesë kryeministri i Shqipërisë, Sali Berisha, ai i Kosovës, Hashim Thaçi dhe lideri i Bashkimit Demokratik për Integrim, Ali Ahmeti, ndërsa lideri i Partisë Demokratike Shqiptare, Menduh Thaçi, ndonëse i ftuar nuk do të marrë pjesë në këtë manifestim pasi ftesën e ka konsideruar joserioze, ndërsa manifestimin e ka quajtur organizim privat të BDI-së. Në kuadër të manifestimit në Shkup, organizohet një spektakël i madh dhe program kulturor artistik.
Shqiptarët e Shkupit 100 vjetorin e shpalljes së pavarësisë së Shqipërisë këtë festë të madhe kombëtare e presin në atmosferë impozante. Edhe Kumanova është përfshirë nga festimet e 100 vjetorit.
Mijëra qytetarë morën pjesë në tubimin kombëtar, në kuadër të së cilit u shpalos flamuri gjigand në njërën nga ndërtesat në sheshin e qytetit. Ndërsa Tetova në këtë 100 vjetor është pasuruar me portretin e ish kreut të PDSH-së, Arbën Xhaferit, i cili ndërroi jetë më 15 gusht të këtij viti.
Shpalosja e këtij portreti të madh u bë nga kryetari i PDSH-së Menduh Thaçi, i shoqëruar nga kryetari i LSI-së Ilir Meta dhe nga Daut Haradinaj, vëllai i kryetarit të Aleancës për Ardhmërinë e Kosovës, Ramush Haradinajt.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31