Partia e Fortë ndihmon me përgjigje Agim Çekun

nga **Agim Gashi** Tue Oct 01, 2013 8:02 pm

Partia e Fortë ndihmon me përgjigje Agim Çekun

Prishtinë, 1 tetor - Pas pranimit të pyetësorit të shpërndarë nga zyra e z.Agim Çeku, duke u nisur nga fakti që shumica absolute e njerëzve nuk do t’i përgjigjen këtij pyetësori, kryetari i Partisë së Fortë ka vendosur t’i drejtohet atij me një letër publike, ku i ofron asistencë miqësore.“Duke e pasur parasysh që z.Çeku është banor i ri i Prishtinës, PF mirëkupton mungesat dhe zbraztësitë eventuale në përndryshe njohuritë e tij të thella mbi Kosovën në përgjithësi, të cilat edhe shpalosen fuqishëm në mënyrën se si janë shtruar pyetjet e këtij pyetësori. Në këtë frymë, ne nuk kemi se si mos ta shfaqim admirimin tonë për guximin e z.Çeku që si kandidat për kryetar të komunës së Prishtinës, të shprehë gadishmërinë e tij për t'u informuar më shumë rreth kryeqytetit dhe mënyrave më të mira për europianizimin e tij”, thuhet në komunikatën e Partisë së Fortë.

Ky interesim i tij vjen 1 muaj para datës së votimit dhe tregon që gara nga ish-kryeministri është marrë shumë seriozisht. Duke parë këtë seriozitet dhe duke ndjekur parimin e padiskutueshëm se konkurrenca rritë cilësinë, ndihmesa për z. Çekun është ndihmesë edhe për cilësinë e garës zgjedhore në përgjithësi. Fitorja në një garë jo të fortë nuk i ka hije një partie që mban emrin Partia e Fortë përfundon komunikata e Zyrës për Media dhe Propagandë të Partisë së Fortë.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31