Veprim i një aguridheje politike apo llogari diabolike?

nga **Agim Gashi** Wed Oct 15, 2014 9:58 pm

BALLKANI

Veprim i një aguridheje politike apo llogari diabolike?

Pavarësisht se kush është përgjegjës për provokimin me minikopterin në Beograd, ky tregoi se para Brukselit gjendet një minë tokësore, mendon Volker Wagener.

Veprim i një aguridheje politike apo llogari diabolike? 0,,17996586_303,00

Gjithmonë kanë ekzistuar dhe vazhdojnë të ekszitojnë paragjykimet kundrejt njerëzve nga "Ballkani". Përbuzja e evropianëve gjoja të civilizuar ndaj "balkkanasve" është e gjatë. Edhe në kohën e kancelarit Bismarku, rajoni i madh juglindor i parë nga distanca konsiderohej si asgjë më shumë se sa një fuçi e rrezikshme baruti. Kjo është politikisht jo korrekte sepse është përçmuese, por tani klishetë e atyre që i pëlqejnë ato po marrin një shtysë të mëtejshme. Fajin e kanë ballkanasit vetë, mund të thuhet nën përshtypjet e "sulmit me helikopter të telekomanduar" për të cilin dyshohet se e kanë bërë shqiptarët në Beograd.

Veprim i një adoleshenti politik apo llogari diabolike?

Për sulmin e me minikopterin thuhet se është përgjegjës Olsi Rama. Në rast se kjo do të jetë e vërtetë, atëhere ky do të ishte padyshim veprimi i një njeriu të çoroditur mendërisht, politikisht dhe nga karakteri. Sepse në çdo gjë që bën Olsi Rama nuk është vetëm një person privat. Ai është vëllai i kryeministrit të Shqipërisë, Edi Rama. Thuhet se Olsi është ai që nisi nga llozha VIP minikopterin me flamurin e shqiptar mbi stadium. Po siç u tha, thuhet se ka qenë ai, sepse konfirmime, nuk ka.
Po ashtu qarkullojnë edhe teori, sipas të cilave ishin vetë "serbët" regjisorët e skenës me fluturimin e minikopterit në stadiumin Partizani. Ky veprim mund të jetë afërmendsh për të dyja palët. Në këtë këndvështrim skandali i Beogradit është më pak një çështje futbolli se sa një çështje politike. Një çështje për Bashkimin Evropian. Sepse në flamur shihej diçka me potencial të lartë shpërthyes: një Shqipëri të Madhe, që përfshin Kosovën dhe pjesë të Maqedonisë, të Greqisë dhe të Malit të Zi. Një minë tokësore për Brukselin.

Veprim i një aguridheje politike apo llogari diabolike? 0,,15643646_404,00

Volker Wagener

Serbia, Shqipëria dhe Kosova duan të anëtarësohen në BE. Kjo paketë duhet të peshohet me mjaft maturi. Brukseli e bëri njëherë gabimin duke pranuar shumë të shpejtë vende të Europës Lindore në familjen evropiane. Rumania dhe Bullgaria nuk ishin jo vetëm ekonomikisht të gatshme për anëtarësim në BE. BE-ja nuk ka nevojë për kandidatë që duan, s'duan i sjellin me vete rivalitetet e tyre në BE. Sidomos kur ato kanë të bëjnë me pretendime territoriale.

Ndeshja e kthimit javën e ardhshme - vëlla Edi tek kryeministri serb Vuçiç

Kjo nuk është ndonjë gjetje e re, sepse edhe në kohën e Titos, i cili propagandonte socializmin jugosllav me fytyrë njerëzore, dhe kundërshtarit të tij shqiptar Enver Hoxha, i cili e konsideronte veten si drejtues të komunizmit evropian të Epokës së Gurit, Tirana dhe Beogradi ishin armiq për kokë. Ajo që pritet javën e ardhshme në takiminin Vucic - Rama është një përpjekje për të filluar shkrirjen e marrëdhënieve politike që janë thuajse në zero.

Kosova, një halë në syrin serb

Fjala kyçe këtu është Kosova. Pavarësisht se kush është përgjegjës për provokimin e Beogradit, ai ose ajo është e interesuar të pengojë afrimin. Që nga viti 1999 serbët dhe shqiptarët luftojnë për ish-krahinën autonome të Kosovës. Në fakt, vendi më i varfër i Evropës është i humbur prej kohësh për çështjen serbe. Në vitin 2008 shqiptarët e Kosovës shpallën pavarësinë, të cilën Beogradi nuk e njeh. Në vend saj, që nga viti 2013 është në fuqi një paqe e ftohtë e ndërmjetësuar nga BE-ja. Asgjë më shumë! Minikopteri pa pilot i Beogradit - pavarësisht se kush është përgjegjës për të - tregoi një gjë: BE-ja ka një problem në juglindje.

nga **Agim Gashi** Wed Oct 15, 2014 10:14 pm

Mon	Tue	Wed	Thu	Fri	Sat	Sun
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

Veprim i një aguridheje politike apo llogari diabolike?

Veprim i një aguridheje politike apo llogari diabolike?

BALLKANI

Re: Veprim i një aguridheje politike apo llogari diabolike?