A hyri ISIS'i në Lazarat dhe cila është lidhja e Lavdrim Muhaxherit me rebelët atje?

nga **Agim Gashi** Wed Jun 24, 2015 11:32 pm

A hyri ISIS'i në Lazarat dhe cila është lidhja e Lavdrim Muhaxherit me rebelët atje?

Rrjete ekstremiste jashtë Shqipërisë, përfshirë ISIS’in dyshohet se po financojnë dhe trajnojnë një grup të rinjsh në Lazarat, të cilët i janë kundërvënë shtetit.

Media të ndryshme në Shqipëri citojnë edhe emrin e komandantit të shqiptarëve të ISIS’it, kosovarin Lavdrim Muhaxheri, të ketë lidhje me rebelët nga mbarë Shqipëria që po planifikojnë gjithçka në Lazarat.
Ditë më parë, një zëdhënës shqiptar nga ISIS, dikur imam në një xhami në rrethinat e Pogradecit, paralajmëroi duke kërcënuar se shumë shpejt ISIS do të veprojë edhe në Shqipëri e në Kosovë, duke ndëshkuar “qafirët” dhe ata që kanë goditur myslimanët e vërtetë.
Të rinjtë e këtij grupi kryesisht të moshës 16-20 vjeçare që po kundërshtojnë rendin në Lazarat, sipas mediave shqiptare janë ushqyer me urrejtje ndaj policisë, dhe përveç trajnimeve që po zhvillojnë në malin Sopot, kanë edhe municion të rëndë.
Xhuloi Malo, 17 vjeç i cili dyshohet se qëlloi në policët, në dëshminë e tij ka thënë se grupi i të rinjve janë të strukturuar dhe të ndarë në grupe të vogla.
Ai ka konfirmuar lajmet për armatim, duke theksuar se grupi është i pajisur me armatim të shumtë përfshirë 6 snajper të sofistikuar.
Një polic u vra derisa vrasja e tij dhe zhvillimet e fundit në Lazarat po lidhen me ISIS’in sipas burimeve të mediave shqiptare.
Ndërkohë Lazarati vazhdon të jetë i rrethuar nga policia.

Gazetaexpres

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31