Berisha për shtatoren e Rugovës: Ky është turpi i Edi Ramës

nga **Agim Gashi** Fri Jul 17, 2015 11:36 am

Berisha për shtatoren e Rugovës: Ky është turpi i Edi Ramës

Ish- kryeministri Sali Berisha ka kritikuar ashpër kryeministrit aktual, Edi Rama se ka bllokuar vendosjen e bustit të Ibrahim Rugovës në Tiranë.
Në seancën e sotme të Kuvendit, edhe pse mungonte kryeministri Rama për shkak të një vizite të paparalajmëruar në Kosovë, Berisha iu drejtua Ramës duke i thënë se bllokimi i kësaj shtatoreje është një turp dhe një qëndrim antikombëtar i një kryeministri shqiptar.
“Edi Rama urdhëroi këshilltarët e tij bashkiakë të mos votojnë vendosjen e shtatores, dhuratë e donatorëve, simpatizantëve. Ibrahim Rugova është ndoshta figura më e jashtëzakonshme në historinë tonë kombëtare nga Skënderbeu e deri më sot. Pavarësia e Kosovës ishte antikonjukturore, Pavarësia e Kosovës për vite e vite kishte zero mbështetje por kishte një misionar. Tani se ku e ka kap Edi Rama dhe për llogari të kujt e ka këtë inat me Ibrahim Rugovën është turpi i tij. Shtator ja pret të vendoset. Në Kosovë shkoi dhe në fjalën e tij s’ia përmend emrin se i shkruan Rexhep Qosja, mirëpo këto janë shumë e shumë gjëra, kurse tani nuk duron dot shtatoren”, tha Berisha lidhur me bllokimin e vendimit të këshillit bashkiak të Tiranës për vendosjen e bustit të Ibrahim Rugovës në kryeqytetin shqiptar.
Berisha tha më tej se Ibrahim Rugova ishte mes gjithë shqiptarëve më shumë se kushdo tjetër njeri i paqes e mirëkuptimit, një intelektual i klasit të parë.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31