AGIM GASHI - KANGË PËR BESNIK RESTELICEN

nga **Agim Gashi** Mon Feb 29, 2016 9:37 pm

AGIM GASHI

KANGË PËR BESNIK RESTELICEN

Në Besianë n’atë, qytet zjarri
Lind e rritet trim bujari,
Kurrë nuk dinte çka është frika
Ingjenier Besnik Restelica.

O Besnik o krenari Llapi
Që dhe jetën për liri,
Lum ai lumi që ta knon kangen
Lum babë e nanë, që t´patën Ty.

II
Me dy motra e katër vllazen
Hije u kish gjithë Juve konaku,
Tanë miqësia e të gjithë shqiptaret
Ta kishin vu nofkën Daluku.

Të mësoj baba të mësoj dhe nana
Se si duhet me shpirt atdheu,
Andaj studiove token e arbrit
Mineralet që i ka i joni dheu.

III
Erdhi koha të luftohet
Kundër armikut shekullor,
Me nji dorë rroke lapsin
Ndërsa pushkën në tjetrën dorë.

More pjesë n´shumë aksione
Nëpër malet e Drenicës,
Sy patremburi në ndihmë atdheut
Si në kohen e Azem Galicës.

IV
U pjek koha, kërkonte vendi
Zona e Llapit fjalën qiti,
E thërriste liri e atdheut
E thërriste Zahir Pajaziti.

Porse UDB-ja gjakatare
Ditë e natë t´uj e përgju,
Tridhet janar nantëdheteshtates
Në shtëpi te vete e kanë rrethu.

V
E rrethojnë me shumë policë
Tanë familje i torturojnë,
Inzhinjerin e marrin me vete
N´burg t`Prishtinës po e çojnë.

Ah! Rrahje e shamje, natë e ditë
Në çdo mënyrë e torturojnë,
Por jo trimin e Besianës
Nuk po munden ta nënshtrojnë.

VI
Njëzetetre shkurti o nantdheteshtatë
Ditë kobi e ditë e vranët,
N´Besianë nuk po zbardh drita
Koka vra Besnik Restelica.

E vranë se s`nënshtrohej djali
Ma i fortë për te ishte ideali,
Edhe besa e dhanë atdheut
Ky stërnip i t’madhit, Skënderbeut.

VII
O Besnik o biri i Llapit
Hije t´bardhë edhe Gollakut,
Hije t´bardhë mbarë Drenicës
Azem Bejtes e Shotë Galicës.

Shkojnë pranverat, lulet lulëzojnë,
Varrin tënd ta zbukurojnë,
Sa t´jetë gjallë e jonë Dardania
Ty o vëlla nuk do t’harrojmë.

Agim Gashi, Düren
27.02.2016

Mon	Tue	Wed	Thu	Fri	Sat	Sun
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30