Piktori shqiptar, Theodhoraq Napoloni, në vëmendjen e medias amerikane

Piktori shqiptar, Theodhoraq Napoloni, në vëmendjen e medias amerikane








Fatmir Terziu



[url=http://www.saatchi-gallery.co.uk/yourgallery/artist_profile/Theodhoraq+Napoloni/29800.html][/url]Piktori shqiptar, Theodhoraq Napoloni, u dashurua me pikturën që në fëmijërinë e tij. Si një fëmijë kureshtar dhe i dhënë pas pikturës ai gjithmonë pati tërhequr vëmendjen e të rriturve.

Kur Napoloni ishte rreth 5 ose 6, ne Korce, vendlindjen e tij, Xhaxhai i tij, një piktor me emër, i dha mundësinë e tij të parë për të dashuruar në mënyrë origjinale pikturën. Ai i dha shansin atij të kishte disa mjete pikture teksa ai e vizitoi atë në shtëpinë e tij në Durrës. Dhe mendoni kur ai pa ngjyrat dhe mjetet për të filluar ëndrrën e tij se si ndjehej.

Teksa kujton këto ditë dhe ato caste, tani duke u ndodhur në një mjedis tjetër në Blacksburg të Amerikës, ai ndjehet disi i emocionuar. Ai të paktën kështu penelohet në shkrimet e kushtuara atij nga mediat lokale në Blacksburg. Ai mbetet një piktor i talentuar tashmë dhe ndjehet mirë që pikënisja e pikturës në Shqipëri i dha atij pasionin për pikturën.

Napoloni, i njohur si Theo, erdhi në Blacksburg në janar 2008 për një ndryshim rrjedhe të jetës së tij. Ai në një moshë 27 vjecare, gjithmonë ndjehej në lëvizje dhe kërkonte një përvojë më të mirë dhe më të re. Këtë e gjeti në Blacksburg. Pasi u përshtat në Blacksburg, në Shtetet e Bashkuara të Amerikës, ai menjëherë iu gjend pasionit të tij. Dhe pikturat e tij tashmë janë të njohura jo vetëm në Amerikë, Shqipëri por edhe në Itali, Austri, Greqi, Gjermani dhe Kosovë. Në fakt dy prej pikturave të tij tashmë janë afishuar në Art Pannonia në Blacksburg. Ai është një talent që shquhet në punimet e peisazhit, akrilik dhe mjaft stile e metoda të tjera bashkëkohore. Ai tashmë ka tërhequr edhe vëmendjen amerikane në pikturë.