Thyhet PDK-ja në Drenas

Thyhet PDK-ja në Drenas



Jap dorëheqje nga të gjitha aktivitetet e PDK-së në Drenas, për arsye të parregullsive, neglizhencës dhe hierarkisë partiake brenda strukturave të kësaj partie të udhëhequr nga Jakup Krasniqi dhe satelitët e tij në Drenas”, është shprehur kryetari i nëndegës së fshatit Baicë Rrahim Elshani, duke arsyetuar dorëheqjen e tij nga PDK-ja. Elshani tutje pasi ka falënderuar votuesit për besimin e dhënë në zgjedhjet e kaluara ku kishte marr 2400 vota, ka theksuar në këto kushte, që janë në degën e kësaj partie, nuk ka mundësi që besimi i dhënë nga elektorati të arsyetohet. “Arsye kryesore e dorëheqjes sime është se nuk mund të jem në parti me ata njerëz, të cilët e kanë fyer dhe vazhdojnë të fyejnë Partinë Demokratike dhe vizionin e Thaçit”, tha ai dhe vazhdoi, “nga pazaret që bëhen të dirigjuara nga Jakup Krasniqi druaj se kjo nëndegë nga 98 për qind të votuesve në favor të PDK-së, në këto zgjedhje druaj se kjo përqindje nuk do të arrijë as 25 për qind të votuesve”, Elshani, i cili këtë hap e kishte ndërmarr pas publikimit të listës së kandidatëve të kësaj partie për asamblesë komunale, ka akuzuar se në këtë parti avancohen njerëzit pa vizion pa ide dhe pa guxim, komandantët e Stankovecit, që në asnjë mënyrë nuk i kanë kontribuar çështjes kombëtare.
I. Fejzullahu