SHBA mbyll burgun më të madh në Irak

SHBA mbyll burgun më të madh në Irak




Ushtria amerikane mbylli burgun e saj më të madh në Irak – Kamp Buka


Ushtria amerikane mbylli burgun e saj më të madh në Irak – Kamp Buka në kuadër të marrëveshjes me të cilën parashihet lirimi dhe rishpërndarja e mijëra të burgosurve deri në fund të vitit.
Burgu u mbyll dje, ndërsa gjendej në një shkretirë në afërsi të kufirit me Kuvajtin. Në të gjendeshin mijëra të burgosur, në mesin e të cilëve edhe shumë kryengritës të rrezikshëm sunitë, ekstremistë shiitë dhe pjesëtarë të Al Kaedës në Irak.
Disa janë mbajtur në burg edhe nga tre vjet pa kurrfarë gjykimi, për shkak të cilës arsye burgu ishte cak i shpeshtë i organizatave për mbrojtjen e të drejtave të njeriut.
Është paraparë që deri në mesnatë 180 të burgosur nga Buka të transferohen në dy burgje tjera amerikane në afërsi të Bagdadit, pas çka edhe do te gjykohen.