Muharrem Sfarqa: Një libër i ri për Kosovën në gjuhën Gjermane

Mr. Kreshnike Mehmetaj me Presidentin Fatmir Sejdiun





Mr. Kreshnike Mehmetaj me Europarlamentarin Martin Schulz




Libri i Mr. Kreshnike Mehmetajt-Kronikë faktesh historike

Një libër i ri për Kosovën në gjuhën gjermane

Muharrem Sfarqa
Se intelektualët e rinj shqiptarë në diasporë janë të liruar nga paragjykimet dhe inferioriteti i të qenit i huaj, dëshmon edhe studimi i mr. Kreshnike Mehmetajt, e cila këto ditë para lexuesit gjerman u paraqit me librin e saj të parë me titull: „Kosovos Weg in die Unabhëngigkeit“ (Rruga e Kosovës kah pavarësia), që ishte temë magjistrature e autorës.



Kopërtina e librit „Rruga e Kosovës drejt pavarësisë“ i autores Kreshnike Mehmetaj

Konstatimi i dëgjuar herë pas here në qarqe të caktuara intelektuale shqiptare në mërgim, se gjenerata e tretë e diasporës sonë do të jetë zëri më autentik i Kosovës në botë, gjithnjë e më tepër po bëhet realitet. Se intelektualët e rinj shqiptarë në diasporë janë të liruar nga paragjykimet dhe inferioriteti i të qenit i huaj, dëshmon edhe studimi i mr. Kreshnike Mehmetajt, e cila këto ditë para lexuesit gjerman u paraqit me librin e saj të parë me titull: „Kosovos Weg in die Unabhëngigkeit“ („Rruga e Kosovës drejt pavarësisë“), që ishte temë magjistrature e autorës.
Botimi është një studim autentik i ngjarjeve në Kosovë, ku kronologjia historike vëhet përballë mitit serb mbi Kosovën dhe atë që nga periudha ilire deri në ditët e sotme. Ky libër brenda vetes përmban tre kapituj të ndarë veç e veç por që kanë një të përbashkët e ajo është prapaskena historike e Kosovës në konfliktin serbo-shqiptar, i cili paralajmërohet në pjesën e parë dhe shtjellohet në atë të dytën mbi të dhënat e shumta shkencore të shfrytëzuara me mjeshtri nga autorja, ku rolin kryesor e zë historiografia e huaj mbi Kosovën. Kur jemi këtu të përmendim historianin e njohur anglez Noel Malkolm si dhe atë gjerman Werner Daum me studimin e tij të njohur „Albanien zwischen Kreuz und Halbmond“ (Shqipëria mes kryqit dhe gjysmëhënës). Në pjesën e tretë studiuesja Mehmetaj legjitimon domosdoshmërinë e ndërhyerjes luftarake të forcave të NATO-s dhe vendosjen e misionit ndërkombëtar në Kosovë.
Mentor i këtij studimi ishte dr. Manfred Schmitz nga Universiteti i Aachenit, ndërkaq lektore ishte një studiuese shqiptare e njohur e gjermanistikës mr. Celina Begolli.
Botimin e librit i cili ngërthen 200 faqe e kanë ndihmuar një numër biznesmënesh shqiptarë e vendas gjerman.
Mr. Kreshnike Mehmetaj ka lindur në Istog të Kosovës ndërkaq është shkolluar në Gjermani. Në Universitetin e Aachenit ka magjistruar Shkencat Politike, Socologjinë dhe Psikologjinë.
Gjatë realizimit të kësaj vepre ajo në vitin 2006 ka ndjekur një studim praktik në Zyrën e presidentit të Kosovës, Fatmir Sejdiut dhe në Zyren e ish-kryeministrit të Kosovës, Agim Çekut. Aktiviteti i saj politik në partinë Social Demokrate Gjermane ka ndikuar që ajo sot të bëhet emër i njohur edhe në qarqet politike të vendit ku jeton. Ajo ishte antare e Shtabit Zgjedhor të europarlamentarit të sotëm Martin Schulz.
Libri i saj i botuar lë të kuptojmë se kemi të bëjmë me një studiuese ambicioze dhe serioze prej së cilës në të ardhmën pritet edhe më shumë.

Bota Sot