Musa Ahmetaj: KARRIERISTI

Musa Ahmetaj: KARRIERISTI

Që nga pushimi veror
Shumë pak kam fjetur
Duke prezantuar projektin
Në çdo vend jam endur

Në qytet dhe katunde
nëpër shtëpia e mëhalla
E vizitova akrabanë
Tezet dhe shuma halla

Gjithë andej kah isha
Shkepja pije e cigare
Ku nuk e kisha të sigurtë
Bënte vaki edhe pare

Firmat e mëdha
më ndihmuan gjithëherë
Pastaj i premtova
punë me dhe pa tender

Të gjitha punët
i qita në dyzen
Gjithëherë më thonin
"Kryetar mirë se vjen"

Kudo që shkoja
shumë veta më shoqëronin
Madje para rezultatit
postin e kryetarit ma uronin

Tupane e zurne
I pata kontraktuar
Ne sheshin e qytetit
Fitoren për ta kremtuar

Mirëpo elektorati im
Shumë më zhgënjeu
Kundërshtari im nga dora
Fitoren ma rrëmbeu

Shoqërinë dhe buxhetin
Në borgje të mëdha futa
Nuk më dilet në qytet
Por iki nëpër skuta

Çka të them tjetër
Dreqi mua më mori
Dhashtë të mos ketë punë
Me mua ky farë prokurori...