Tragjedi në shkollë, 19-vjeçari vret një vajzë në klasë

nga **Agim Gashi** Tue May 11, 2010 11:11 pm

Tragjedi në shkollë, 19-vjeçari vret një vajzë në klasë

Një ngjarje e rëndë ka tronditur qytetin e Elbasanit në orët e para të mëngjesit, ku maturantja e shkolles ‘Mahir Domi’, Ligerta Bahja ështe ekzekutuar me armë zjarri në ambientet e klasës nga një 19-vjeçar nga Vlora.

Endrit Llambraj ka hyrë në klasë gjatë pushimit 5 minutësh ku me pistoletë në dorë ka nxjerrë të gjithë klasën jashtë. Më pas ai ka qëlluar mbi vajzën e cila ka gjetur vdekjen edhe pse është dërguar me urgjencë në spitalin e kirurgjisë së Elbasanit.
Llambraj ka tentuar t’i largohet policisë dhe pasi është gjendur i rrethuar nga blutë ka vrarë veten pranë varrezave të qytetit. Sipas shokëve të klasës historia ka nisur 1 vit më pare, ku vajza është njohur me 19-vjecarin në një ekskursion në Vlorë. Më pas ata kanë krijuar një lidhje telefonike dhe pasi vajza e ka refuzuar këtë histori dashurie, djali e ka kërcënuar. Presioni që ushtronte vrasësi ka zgjatur për muaj me radhë dhe edhe pse maturantja nuk i ka dhene shkak. Vlonjati shqetësonte edhe shokët e klasës së saj, duke i ofruar para në këmbim të lidhjes së kontakteve.
Llambraj ka qenë edhe dje në shkollë për të takuar vajzën por kjo ka qenë e pamundur. Menjëherë në vendngjarje kanë qenë shërbimet e policisë për të zbardhur ngjarjen. Në shkollë ka qenë edhe ministri i Arsimit, Myqerem Tafaj, i cili e ka cilësuar ngjarjen tepër të rëndë. Tafaj ka ngushëlluar nxënësit e shkollës dhe ka premtuar rritje të shërbimit të psikologut dhe në veçanti në klasën ku ka ndodhur vrasja. Më pas ministri ka qenë për ngushëllim në familjen e vajzës.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31