Djali i dytë i Presidentit Rugova në gjurmët e të atit

nga **Agim Gashi** Mon Aug 30, 2010 3:16 pm

PRISHTINE- Ukë Rugova, djali i Presidentit historik Ibrahim Rugova, në një intervistë ekskluzive për “Express” bën të ditur vendimin e tij për tu futur në politikë. Pas një varg largimesh që i kanë ndodhur kohëve të fundit, Lidhjes Demokratike të Kosovës, tashmë një figurë e njohur kosovare do të jetë pjesë e saj. Gazeta “Express” shkruan se Ukë Rugova ka bërë të qartë se është i lidhur me Partinë Lidhja Demokratike e Kosovës, parti të ngritur nga babai i tij, në rrethana krejt të ndryshme prej këtyre të sotmeve.

“Si familje nuk kemi asgjë kundër që të gjitha ato subjekte që dëshirojnë të përfitojnë nga filozofia rugoviane, ta bëjnë këtë. Edhe ne jemi të bindur se kontributi i Presidentit Rugova ka qenë përtej partive politike”, ka thënë Ukë Rugova djali i dytë i Presidentit Rugova, i cili tashmë në muajin shtator do të trokasë në dyert e nëndegës së LDK-së në Velani, për t’u bërë pjesë e garave të brendshme partiake. “Unë i takoj Lidhjes Demokratike të Kosovës”, thotë ai.
(m.a/News24/BalkanWeb)

nga **Agim Gashi** Mon Aug 30, 2010 3:19 pm

Djali i dytë i Presidentit Rugova në gjurmët e të atit 52592cb38c4f78781e2a94ac8c0bc688-490x320

Foto: Atdhe Mulla
Ukë Rugova flet për Express

Nga Express më 29.08.2010 në ora 16:14

Të hënën dhe të martën në Gazetën Express do të mund të lexoni intervistën me Ukë Rugovën, djalin e Presidentit të ndjerë Ibrahim Rugova.

Lexojeni këtë intervistë për ta kuptuar se kur Ukë Rugova do të futet në politikë.

Çka mendon ai për humbjet e LDK’së në dy zgjedhjet e fundit?

Çka mendon ai për zgjedhjet brenda LDK’së?

A e përkrah ai dikë për postin e Kryetarit të LDK’së?

Çka mendon ai për postin e ngrirë të Presidentit Sejdiu dhe si e sheh qeverisjen aktuale?

Lexojeni vetëm në Express intervistën e djalit të liderit historik të LDK’së dhe Kosovës.