DITËLINDJEN, URIME DHE GËZUAR, PËRJETËSISHT, PRESIDENT RUGOVA - I BEKUAR! - Vargje urimi e përkujtim-nderimi -

nga **Agim Gashi** Fri Dec 03, 2010 12:27 am

Mentor Thaqi:U R I M E D H E G Ë Z U A R !- NJË DITËLINDJE HYJNORE DHE NJERËZORE -

Po, kush na e solli sihariçin sonte?!
Ishte Engjëlli apo Hyji,
kumtin, bekim e bëri!
...
Sihariçi vjen, ashtu si lypet,
hap më hap, Shtigjeve të Nderit,
me aromën Erëpishe
nga Koshutani e Leqinaku.
Dhe,
hyn në zemra
dritareve të shpirtit,
me bardhësinë e borëbardhës
nga Maja e Hajles!

Ah, Emri i pathyer, ligjërisht,
i pa lakuar rasave e gjinive,
kudo rënça, gjurmë nderi lënça!
Emër dhe veç Emër, pa mbiemër,
Një dhe Unikat!
Ha veten me dhëmët e huaj, sonte,
se, ku ta nisë Urimin tim!
Në Kreshtat kreshnike të Rugovës së Rugovës,
në Majen e Lybetenit plak
apo Shkelzenit të ripërtërirë?!

Eh, kënga ime majekrahçe,
buçimë nga malsorë rrapshjanë,
apo, rrapshjanë Malsie!
Shall e shokë, brezat lidhur,
hasmi në mes nuk hyn!
E fjala dheun mori,
se Ditëlindjen Burrështetasi i Dheut, paska.
Ai i Urti i më të Urtëve
në 66 Shekujt e fundit.
Fjalë e Besë, tokës me njerëz!
Të tjerat veç teke e ceke,
gojëve pas shpine.

Dikush në mend na e vuri,
unikalja, kurrë dyshe s´u bë,
as menduar e kujtuar.
Erdhën e shkuan, Apostujt,
hiç më pak se 12,
aq sa dardania, fiseve të veta, udhë.
Njeriu i flijimit, Ibrahimi i Madh,
Ai, Një,
e ne një me të,
në një dhe i pandarë, Kolos!
Kush s´i hoq e as s´i vuri,
gjë në mëndje,
përveç Njëmendësisëdhe qëndrimit stoik.

Të Premtet spagë,
me një fjalë të vetme,
burri fjalës s´i luan, jo!
E tevona, kush s´é ndjeu, dëgjoi e pau,
se si vulë historie, Synimit Kombëtar,
pa lënë mendesë e pendesë,
fort i ra!

Ah, Ibra jonë i Madh,
vetë Bardhi i Lumbardhit e Dribardhit,
në Ballë të Shekullit,
të fjalës së thënë e shkruar, të mbajtur!
Me ca fjalë çëndismë dëshire:
Urime dhe Gëzuar,
President Rugova,
përjetësisht i bekuar!

Mentor Thaqi VS., 02.12.2010 (21,30 h)

Mon	Tue	Wed	Thu	Fri	Sat	Sun
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30