Prokuroria heton 101 zyrtarë për veprime korruptive

nga **Agim Gashi** Tue Apr 19, 2011 12:32 pm

Prokuroria heton 101 zyrtarë për veprime korruptive

Shqipe Osmani - Bota sot

Prokuroria heton 101 zyrtarë për veprime korruptive Hasan%20Preteni%2018p

Drejtori i Agjensionit Antikorrupcion, Hasan Preteni të hënën raportoi për punën e këtij agjencioni që ka përgjegjësi parandalimin dhe luftimin e korupsionit para anëtarëve të Komisioni për Legjislacion, me ç’rast përveç që theksoi një avancim të luftës kundër korrupsionit, ai kërkoi mbështetje nga të gjitha institucionet edhe nga komisioni në krijimin e një legjislacioni më të sofistikuar për luftimin e korrupsionit. Preteni kërkoi ndryshimin dhe amandamentimin e Ligjeve bazike të cilat janë të ndërlidhura në luftimin e korrupsionit, duke theksuar se mangësitë e shumta ligjore kufizojnë veprimet e luftës ndaj korrupsionit. Ai më tej në pika të shkurtra ka përshkruar punën e Agjencionit gjatë vitit paraprak , duke theksuar se rastet e kontaktuara nga qytetarët, Agjencia ka gjetur bazën për fillimin e hetimeve paraprake për 139 raste , kurse nga këto raste 29 kanë përfunduar në prokurori. Ndërkohë Preteni theksoi gjithashtu se nga rastet e raportuara si dhe ato të hetuara sipas detyrës zyrtare ku të dyshuar kanë qenë gjyqtar dhe staf tjetër i Gjykatave të Republikës së Kosovës (Gjykatat e Rregullta dhe të kundërvajtjes) janë evidentuar 17 raste. “Nga rastet e raportuara si dhe ato të hetuara për veprime korruptive të zyrtarëve në kategorinë e Institucioneve si , Aeroporti Ndërkombëtar i Prishtinës, Posta dhe Telekomunikacioni i Kosovës, Korporata Elektroenergjetike e Kosovës, RTK, Agjencia Kosovare e Privatizimit, ish- Ndërmarrjet Shoqërore, Ndërmarrjet tjera Publike, Institucionet e Pavarura, OJQ-të, si të dyshuar për veprime korruptive janë të evidentuar 47 raste”, tha Preteni,duke shtuar më pas se nga rastet e raportuara si dhe ato të hetuara për veprime korruptive të zyrtarëve në kategorinë e zyrtarëve publik të Qeverisë së Republikës së Kosovës (ministritë si dhe agjencitë që veprojnë në kuadër të ministrive të caktuara) për periudhën raportuese, janë evidentuar 44 raste. “Pushteti Lokal (Komunat e Republikës së Kosovës), përkatësisht personat zyrtar të nivelit lokal si të dyshuar për veprime korruptive, për periudhën raportuese janë evidentuar 28 raste. Prokuroritë e Republikës së Kosovës funksionojnë në tri nivele, Prokuroria Publike Komunale (7 prokurori), Prokuroria Publike e Qarkut (5 prokurori), Prokuroria Publike e Republikës së Kosovës dhe Prokuroria Speciale e Republikës së Kosovës. Në vitin 2010 janë evidentuar 3 raste të dyshuara për veprime korruptive kundër prokurorëve të prokurorive publike”, tha Preteni. Sipas tij në lidhje me dyshimet për veprime korruptive të zyrtarëve publikë AAK-ja ka proceduar në Prokuroritë Publike kompetente të Kosovës, organet policore kompetente dhe Prokurorinë e EULEX-it 29 informata dhe kallëzime penale.

(Më gjerësisht mund të lexoni në numrin e nesërm të gazetës “Bota sot”)

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31