Zero njohje për Kosovën, tre muaj qeverisjeje

nga **Agim Gashi** Fri May 20, 2011 1:39 pm

Zero njohje për Kosovën, tre muaj qeverisjeje

Rreth njëqind ditë të qeverisjes së vendit nga "Thaçi 2", që është e "mbingarkuar" nga të angazhuarit në politikën e jashtme, nuk kanë mjaftuar që Republika e Kosovës të njihet qoftë edhe nga një shtet i vetëm.

Numri i vendeve që e kanë njohur Kosovën si shtet të pavarur ka "fjetur" kaherë, ndonëse për nga numri i zyrtarëve institucionalë dhe bazuar në deklaratat e Qeverisë së Kosovës, politika e jashtme është ndër sektorët më të rëndësishëm të ekzekutivit, shkruajnë mediet. Presidentja e vendit, Atifete Jahjaga, dhe ministri Jashtëm, Enver Hoxhaj, janë dy bartësit e politikës së jashtme. Por, nga ta, deri më sot, nuk ka ardhur asnjë njohje.

Këtij "karvani" i është bashkëngjitur edhe zëvendëskryeministri Behgjet Pacolli, i cili ndonëse njihet si person që gjatë legjislaturës së kaluar në cilësinë e kryetarit të AKR së ka sjellë disa njohje, tani kur mban pozitë të lartë në qeveri nuk është duke e bërë këtë, edhe pse ditëve në vijim do të vizitojë Afrikën për lobim.

Për ta bërë më aktive politikën e jashtme, Ministria e Punëve të Jashtme (MPJ) ka shpenzuar disa javë duke hartuar strategjinë për njohjet, dokument ky, i cili pak ditë para se të bëhen njëqind ditë të qeverisjes, nuk ka treguar ndonjë sukses.

Zëvendëskryeministri i Kosovës, Hajredin Kuçi, thotë se institucionet e vendit janë duke ia bërë "hyzmetin" njohjeve, por, sipas tij, shtimi i njohjeve nuk varet çdoherë nga pala kosovare.

"Qeveria po i kryen obligimet e veta, po e jep shembullin e mirë të një shteti funksional e demokratik, po punon drejtpërdrejt me shtetet, por edhe nëpërmjet partnerëve ndërkombëtarë. Kjo çështje nganjëherë nuk është në duart tona, është më shumë në duart e atyre që kanë vendimmarrje", thotë Kuçi.

Deputeti i Lidhjes Demokratike të Kosovës, Lutfi Haziri, thotë se njëra nga arsyet pse njohjet e kanë "harruar rrugën" është përzierja e kompetencave të zyrtarëve qeveritarë në raport me politikën e jashtme.

"Është një konfuzion total. Natyrisht, këtu, në pozitën më të rëndë mbetet ministri i Jashtëm, kompetencat e të cilit janë ngushtuar me emërimin e zotëri Pacollit në pozitën e zëvendëskryeministrit, i cili po del se është zëvendëskryeministër i ngarkuar për punë të jashtme", thotë Haziri.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31