Ministria e Diasporës shpreh habi për deklaratën e “Vetëvendosjes”

nga **Agim Gashi** Thu Jan 12, 2012 9:23 pm

Prishtinë, 12.01.2012

Ministria e Diasporës ka lëshuar sot për opinionin kosovar një deklaratë nëpërmjet së cilës i përgjigjet Lëvizjes “Vetëvendosje”, transmeton Koha.

Sipas kësaj ministrie, vizita e ministrit Makolli në Luginën e Preshevës nuk është e motivuar, as e iniciuar nga qeveria e as nga letra e intelektualëve nga Lugina e Preshevës, por ka qenë e planifikuar më herët dhe ka pasur të bëjë me harmonizimin e politikave dhe të veprimeve me faktorin politik e institucional të shqiptarëve të Luginës së Preshevës për hartimin e Strategjisë për Diasporën, të cilën e konsiderojmë një dhe të pandarë.

Ministria e Diasporës i sqaron Lëvizjes “Vetëvendosje” se Lugina e Preshevës asnjëherë edhe po të dëshirojë ndokush nuk mund të trajtohet si Diasporë, dhe për këtë është i vetëdijshëm çdo shqiptar.

“Shprehim habinë se si vizita e një ministri po e ulka nivelin e përfaqësimit dhe çfarë do të duhej të ishte ai ministër për të mos u ulur niveli sipas “Vetëvendosjes.

Ministria e Diasporës dëshiron të besojë se një vizitë e një ministri të Qeverisë së Republikës së Kosovës në Luginën e Preshevës e pengon vetëm politikën e Beogradit, siç u pa me veprimet e saja, por jo edhe dikë tjetër.

Nuk duam të besojmë se si një partie politike, në këtë rast ‘Vetëvendosjes’, e cila ka qenë akuzuesja më e madhe për mungesën e vizitave të udhëheqësve politikë e institucionalë të Kosovës në Luginën e Preshevës, tashmë po e penguakan vizitat e tilla”, thuhet pos tjerash në reagimin e Ministrisë së Diasporës, duke shtuar në fund se “Vetëvendosjen” më së miri e demantojnë përfaqësuesit politikë të Luginës së Preshevës, të cilët jo vetëm që e kanë mirëpritur vizitën, por kanë qenë maksimalisht të angazhuar që ajo të realizohet.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31