Mentor Thaqi :2 KORRIKUT TIM, HOMAZH-NDERIM!

nga **Agim Gashi** Mon Jul 02, 2012 2:00 am

Mentor Thaqi :2 KORRIKUT TIM, HOMAZH-NDERIM!

(Delegatëve të Kuvendit të 1990-tës)

Mentor Thaqi :2 KORRIKUT TIM, HOMAZH-NDERIM! 264642_1863452349419_6421692_n

Ku mbetën,
ku vanë,
ku u lanë,
ata që e thanë?
Kur shumë, heshtën,
ata që ranë,
mbetën,
po ku janë,
ata që u tretën?!

Eh,
guximi, ka emër
po, ka dhe zemër,
për dëshira të ndrydhura
edhe kur janë dyert të mbyllura,
se,
shpërthen vullneti,
përcillet amaneti,
në bërje Shteti,
më shumë për brezat,
më pak për veti,
s´na u ndanë të zezat
shekull pas shekulli!

Po, me 2 Korrik,
aty pranë portës,
n´këmbë në shkallë,
vëlla, moter, mik, ...
në Tel drejt Botës,
Delegatët n´ballë
me fjalën oshëtuese,
e thurur plot mall:
DEKLARATA KUSHTETUESE!
E shpallen,
na ringjallen
dhe duhej mbajtur,
në vend për të vajtur!

Epoka e nisur,
mbi maskimin e grisur,
se i vdekuri, me barëra e lëmoshë,
një kufomë plot harrna
jo e shëndoshë,
as mbahet, as lahet,
e as shpëtohet,
nga mëkatet-gjynahet,
do duhej t´ndëshkohet
në të gjitha kohët,
se ne e nisëm, vet,
vet dhe të vetmuar,
ky Komb i përvuajtur,
që na mbanin n´jetë
me sedativ t´dërmuar,
lojen duke luajtur!

Po po,
ne me duar thatë,
me kokë e zemër plot,
kërkuam fuçishëm,
atë ç´është jona,
na ra, Lubia-Lëngatë,
s´na u ter gjak as lot,
por, ishim t´vetëdijshem
e s´u ndal Jehona!

E peshuan, e maten,
sa ditën, aç natën,
e thënë, e bërë,
përgjithmonë njëherë,
" Më mirë Uk një ditë,
se sa Qen përditë! ",
e s´kishte më ç´të matet,
nënshkruan Delegatët!

Po, e thanë atë ditë,
nuk e lanë me pritë,
dhe, iku Korriku
drejt Kaçaniku
dhe ecte Epoka,
me prijës Vizioni,
përafrohej Bota,
kundër hegjemoni,
se ajo që u nis,
do duhej përfunduar,
tha i Zoti i Shpisë,
me Mendjet e Zgjuara!
I falemi miqësisë,
na kuptuan,
besuan e ndihmuan
dhe ndjehemi shum mirë
kur jemi të Lirë!

Po ku janë Delegatët, ku shkuan,
që s´duken gjëkundi?!
A mos u harruan,
nga Kiçi e Shundi?!
A s´e merituan,
të pakten një seancë,
apo u mbuluan,
me harresë, injorancë?!
A i kemi tepër
dhe s´na shkon në mend,
se pa atë kohë të vjetër,
e reja s´vinte n´rend?!
Le t´mbetet n´ndërgjegje,
po presim përgjegje!
Gjithësesi, Nderim,
nga Populli-Mileti,
se veç bashk me ta kuptim,
ka një Ndërtim Shteti!!!

Mentor Thaqi VS., 2 Korrik 2011***

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31