Cikël poetik nga Zog Hysenaj
Faqja 1 e 1
Cikël poetik nga Zog Hysenaj
ZOG HYSENAJ
IV. DY FJALË NË VESH
DY FJALË NË VESH
Të gjithë janë në gjumë, lerini të flenë!
Kur unë rri e shkruaj, të mos zgjohet askush
Fillikat i vetëm dua të rri
Dy fjalë në vesh t’ia them poezisë…
ASAJ UDHE TË FËMINISË
Kujtesa ime shekuj larg mërguar
E udha harruar shtrirë,
Asaj udhe ngjitem e zdirgjem
Po askund nuk gjej
As mjedrra, as boronica.
Nuk gjej se nuk gjej askund
Asnjë dru të gdhendur
Me emrin tim.
Të gjithë drurët i paskan prerë druvarët,
Edhe një zog mali u habitka si unë.
U DASHKA MËSUAR
U dashka mësuar me çka matet njeriu,
U dashka mësuar me çka matet koha,
U dashka mësuar e mësuar…
Po më parë u dashka ditur
Se gjithçka matet me punë të vyera.
Për këtë është mirë të mëndojmë
Nganjëherë…
ZOT NA RUAJ
Në këtë botë rrumpallë që sundojnë rrumpallexhinjtë
Duhet të ruhemi dhe kur flasim dhe kur heshtim
Se ata prandaj na ruajnë,
Prandaj s’na lënë të gabojmë,
Prandaj edhe na ndëshkojnë,
Për të mirën tonë e bëjnë,
Dihet ajo punë.
Na ruaj o zot , të bëjmë sa më pak gabime!
KUJT T’I THËRRAS?
Dhe nuk di se kujt t’i thërras më parë?
Të vijnë pas thirrjes sime,
pas meje të vijnë
vetëm ata
që s’ikën përgjithmonë
prej këtyre bjeshkëve
e kthehen si zogj shtegtarë!
MOS!
Të gjitha mos-eve do t’iu them mos….
Të gjitha letrat e mia do t’i mbledh në grusht
e do t’i djeg në zjarr,
Fotografitë do t’i kthej mbrapsht,
të shohë pjesën e bardhë, pas fotos.
Mos! i them pastaj vetes,
Hesht!
Faji më i mdh i imi-heshtja.
HËNA
Hëna atje varur në kupën e qiellit
nga njërën anë në tjetrën,
çdo ditë e më e madhe më duket,
E sa herë që bëhet e madhe më
Zvogëlohet çdo natë e më shumë
Derisa mbetet hark
Sa vetulla e hollë e vetullhollës.
Ditën fshihet andej skutave të qiellit
e kryet në darkë e nxjerr.
NË ËNDRRAT E BUKURA LEXOJ MBISHKRIMIN
Deri në fund të botës trishtimi i përgjumur i rinisë
Kotet në trazim të shpirtit,
Rrezet e fundit të diellit drejt prarimit dhe tretjes sime.
Mbi kreshtën e thepisur tashmë hypur
Shtrënguar fort në majën e saj
Sodis shpatin e zharit poshtë, në luginë tretur…
Kur mëndja tall bythën me mua
Marr me vete vitet drejt përjetësisë,
siç merr orteku borën drejtë humnerës.
Në ëndrrat e bukura lexoj urimin e të parëve:
U rritsh
e kurrë në majë mos hypësh!
I. UNË VETËM VETVETES DUA T’I NGJAJ
Skllav i ëndërrimeve
Unë, skllavi i ëndërrimeve
Në dritën e kandilit dhe të hënës
Ulem dhe shkruaj kujtimet e harruara
Kur të tjerët hapin varre,
Të vdekurve u vjedhin stolirat,
E dhëmbët ua marrin natën, kur nuk ka hënë…
Të tjerët të një bote tjetër mbeten,
Me të tjerët kurrë punë mos paça
Unë vetem vetes dua t’i ngjaj!
DURONI EDHE PAK
Duroni ju poetë, poetë që s’duroni
Duroni derisa bota të bëhet e juaja
E ju të bëheni të botës.
PASHA SYTË E MI
Betohem se dielli del nga nëntoka
E syrin nxjerr në majën e malit,
Përmbi ne hijeshon dhe i bën dritë njerëzimit
E përtej majës perëndon,
Moj çika e bacës!
Hëna betohem se mbin nga qielli
Se aty e shoh çdo natë
Kur dritë natës i bën
Herë si rreth e herë si hark
Dhe përherë si sytë e tu
Sytë e tu si drita të shpirtit.
Kapelja
Kapelen ia heq vetëm të drejtes
Kur rrugës me të shndërrohem,
Se për të tjerë, edhe sikur të vdes
Kapelen nuk e heq, të betohem.
Kur humbi bota fillin, kërkova lirinë
Kur bota humbi fillin, e ujqërit ulërinin
Në shkretëtirat e mendimit tim,
Unë durimin humba, kërkova lirinë.
Ku është fshehur dhe sylidhur ku e mbajnë
Pa liri s’ish asgjë e s’isha njeri.
II. I URTË MOS HARRO TË BËHESH
Harroje, harroje më thua?
Sikur hap varre më ngjan kur thua kështu
Të vdekurit e paharruar sikur i varrosi përsëri
Përsëri sikur m’i vret ti,
Nëse harroj se ti më s’duhet të rrosh.
Nuk guxuam
Kurrë nuk mundëm
Të dashurat tona t’i takonim lirshëm,
Nuk mundëm as të flasim me to në rrugë,
Nuk mundëm të tregojmë se janë tonat
Mundëm të guxojmë vetëm t’i mohojmë ato
Me be e rrufe që s’i njohim.
Nuk mundëm as të ankohemi se
Jemi keq,
Me fjalën në gojë
“Rroftë Partia!”
Duhej të vdisnim.
Fundja pse të mos vdisnim,
Fundja edhe partia pse të mos vdiste?
Dyzet arna
Dyzet arna i numërova
Në xhupin e minatorit
E një kapele mbi kokë
S’di pse s’e numërova.
S’di edhe sa jetë
E sa lëkura jete
Nën dhe i lashë…
MBETËM NË PRITJE
Të gjithë presim shpresën se një ditë do të vijë,
Të gjithë i themi asaj: “eja të të shoh”!
Ajo ndoshta do të vijë një ditë,
Asnjërin nga ne nuk do të na njohë.
AFËR DHE LARG
Asgjë më të afërt
sesa e keqja me të mirën
në këtë botë
nuk paska!
A thua pse kaq afër e pse kaq larg?
Lutja
Gjithë jetën u lutëm,
U lutëm për shëndetin e fëmijëve
E fytyrën të mos ua nxijmë.
U lutëm jetëgjatë të jemi,
të rrojmë e të rrojmë sa malet…
Ne që thamë rrofshim,
Shumë herë thamë:
Vdekshim
pse lindëm.
A thua pse?
DO TË…
Kur fillon shtëpinë, shpreson se do ta mbarosh,
Kur sëmuresh, shpreson se një ditë do të shërohesh,
Kur vuan shumë nga varfëria, thua se do të shpëtosh,
Kur plakesh, nuk ke më shpresë se më do të rinohesh …
Por i urtë mos harro të bëhesh!
DITËT E MIA KËNGË
Sikur të gjitha retë e qiellit të mblidhen
E një vetëtimë të madhe të bëjnë,
Ditët e mia aty do të duken
Së bashku me krismat le të kthehen në këngë.
Natës në hënë dorë për dorë këndojnë
E vetëtimë tjetër presin që të vijë
Ditët që njëratjetrën numërojnë
Vjen dielli i mëngjesit ato do t’i shkrijë.
Nepër rreze dielli si uji në krua
Këngë të tjera me to të gëzojnë
E valle le të hedhin ato përmbi mua
Në buzët e vashave, aty të pushojnë!
***
Ruaju mirë
se mos humbasësh në mjegullnajat e bubullimave të mëdha!
C’TË THEM TJETËR PËR FJALËT E TUA
(Një plakut të urtë e burrë malësie)
Gjithë jetën duke folur
Duke folur me fjalë zemre e zë shpirti
Mbete.
Fjalët e tua,
Si drita e qiriut që dritë u bën të tjerëve
E në dritë të vet digjet e digjet…
Të gjitha ditët njësoj
Sot…nesër, dje…
Sivjet…vjet…s’di sa vjet,
Të gjitha njësoj.
Dielli lind e perëndon
E hënës vendin ia lëshon
E hënë…e martë e
prapë e hënë e martë,
java ikën e ne aty na lë
sivjet… pranvera, vera, vjeshta,
dimri më i gjatë
e edhe një vit na kalon
të festojmë
përvjetorë.
Një sot një nesër,
një sivjet, një mot
dhe ne, mbarojmë ditët
ashtu,
kot …
për të lënë të tjerë mbas…
III. SI NË GJËEGJËZË
SI NJË GJËEGJËZË
Një kafshatë bukë misri në dorë
E në mes të sofrës një bludë shëllirë
Ta ngjyejmë jetën,
A t’a ngjyejmë urinë?
Hija e malit
Një brengë trishtuese kthehet dhe më bëhet
Ajo hije e malit përballë shtëpisë sime,
Hija e kreshtës së përhimtë, me kapuçin e borës
E unë, as atje dhe as këtu,
Vargje shkruaj, mbaj shënime.
E delet, sot e kësaj dite kullosin shpatit
Brinjës së malit tim-orë për fshatin
Malli për të më merr deri në dhimtë mua të ngratin:
Për Meçinën, Malin e Kores edhe Lugbatin.
KUR ISHIM E PRAPË S’ISHIM
Kur humbëm të drejtat të rrojmë si njerëz
E shtrembëta na vuri atëbotë në zgjedhë,
Si qe na grahu vijave të një qerreje
Një qerreje të thyer
Që drejtë humnerës shkonte…
LE TA BËJMË EDHE KËTË PYETJE
Cdo ditë që ikën
Një hallkë shton
Në zinxhirin e rëndë
Në qafë varur.
Qafën vetëm për këtë e paskemi?
Paç fat!
Urimi i urimeve: -“paç fat!”
E fati ecte me këmbë breshke,
Në këmbën e urës ndalej, vonohej të vinte…
E si të mos vonohej
Kur s’dilnim vetë ta kërkonim?
U LODHËM SË PRITURI
Gjithë jetën mbetëm në pritje
Për më mirë,
E mira fshehur thellë,
Humbur në humbëtirë.
IV. DY FJALË NË VESH
DY FJALË NË VESH
Të gjithë janë në gjumë, lerini të flenë!
Kur unë rri e shkruaj, të mos zgjohet askush
Fillikat i vetëm dua të rri
Dy fjalë në vesh t’ia them poezisë…
ASAJ UDHE TË FËMINISË
Kujtesa ime shekuj larg mërguar
E udha harruar shtrirë,
Asaj udhe ngjitem e zdirgjem
Po askund nuk gjej
As mjedrra, as boronica.
Nuk gjej se nuk gjej askund
Asnjë dru të gdhendur
Me emrin tim.
Të gjithë drurët i paskan prerë druvarët,
Edhe një zog mali u habitka si unë.
U DASHKA MËSUAR
U dashka mësuar me çka matet njeriu,
U dashka mësuar me çka matet koha,
U dashka mësuar e mësuar…
Po më parë u dashka ditur
Se gjithçka matet me punë të vyera.
Për këtë është mirë të mëndojmë
Nganjëherë…
ZOT NA RUAJ
Në këtë botë rrumpallë që sundojnë rrumpallexhinjtë
Duhet të ruhemi dhe kur flasim dhe kur heshtim
Se ata prandaj na ruajnë,
Prandaj s’na lënë të gabojmë,
Prandaj edhe na ndëshkojnë,
Për të mirën tonë e bëjnë,
Dihet ajo punë.
Na ruaj o zot , të bëjmë sa më pak gabime!
KUJT T’I THËRRAS?
Dhe nuk di se kujt t’i thërras më parë?
Të vijnë pas thirrjes sime,
pas meje të vijnë
vetëm ata
që s’ikën përgjithmonë
prej këtyre bjeshkëve
e kthehen si zogj shtegtarë!
MOS!
Të gjitha mos-eve do t’iu them mos….
Të gjitha letrat e mia do t’i mbledh në grusht
e do t’i djeg në zjarr,
Fotografitë do t’i kthej mbrapsht,
të shohë pjesën e bardhë, pas fotos.
Mos! i them pastaj vetes,
Hesht!
Faji më i mdh i imi-heshtja.
HËNA
Hëna atje varur në kupën e qiellit
nga njërën anë në tjetrën,
çdo ditë e më e madhe më duket,
E sa herë që bëhet e madhe më
Zvogëlohet çdo natë e më shumë
Derisa mbetet hark
Sa vetulla e hollë e vetullhollës.
Ditën fshihet andej skutave të qiellit
e kryet në darkë e nxjerr.
NË ËNDRRAT E BUKURA LEXOJ MBISHKRIMIN
Deri në fund të botës trishtimi i përgjumur i rinisë
Kotet në trazim të shpirtit,
Rrezet e fundit të diellit drejt prarimit dhe tretjes sime.
Mbi kreshtën e thepisur tashmë hypur
Shtrënguar fort në majën e saj
Sodis shpatin e zharit poshtë, në luginë tretur…
Kur mëndja tall bythën me mua
Marr me vete vitet drejt përjetësisë,
siç merr orteku borën drejtë humnerës.
Në ëndrrat e bukura lexoj urimin e të parëve:
U rritsh
e kurrë në majë mos hypësh!
I. UNË VETËM VETVETES DUA T’I NGJAJ
Skllav i ëndërrimeve
Unë, skllavi i ëndërrimeve
Në dritën e kandilit dhe të hënës
Ulem dhe shkruaj kujtimet e harruara
Kur të tjerët hapin varre,
Të vdekurve u vjedhin stolirat,
E dhëmbët ua marrin natën, kur nuk ka hënë…
Të tjerët të një bote tjetër mbeten,
Me të tjerët kurrë punë mos paça
Unë vetem vetes dua t’i ngjaj!
DURONI EDHE PAK
Duroni ju poetë, poetë që s’duroni
Duroni derisa bota të bëhet e juaja
E ju të bëheni të botës.
PASHA SYTË E MI
Betohem se dielli del nga nëntoka
E syrin nxjerr në majën e malit,
Përmbi ne hijeshon dhe i bën dritë njerëzimit
E përtej majës perëndon,
Moj çika e bacës!
Hëna betohem se mbin nga qielli
Se aty e shoh çdo natë
Kur dritë natës i bën
Herë si rreth e herë si hark
Dhe përherë si sytë e tu
Sytë e tu si drita të shpirtit.
Kapelja
Kapelen ia heq vetëm të drejtes
Kur rrugës me të shndërrohem,
Se për të tjerë, edhe sikur të vdes
Kapelen nuk e heq, të betohem.
Kur humbi bota fillin, kërkova lirinë
Kur bota humbi fillin, e ujqërit ulërinin
Në shkretëtirat e mendimit tim,
Unë durimin humba, kërkova lirinë.
Ku është fshehur dhe sylidhur ku e mbajnë
Pa liri s’ish asgjë e s’isha njeri.
II. I URTË MOS HARRO TË BËHESH
Harroje, harroje më thua?
Sikur hap varre më ngjan kur thua kështu
Të vdekurit e paharruar sikur i varrosi përsëri
Përsëri sikur m’i vret ti,
Nëse harroj se ti më s’duhet të rrosh.
Nuk guxuam
Kurrë nuk mundëm
Të dashurat tona t’i takonim lirshëm,
Nuk mundëm as të flasim me to në rrugë,
Nuk mundëm të tregojmë se janë tonat
Mundëm të guxojmë vetëm t’i mohojmë ato
Me be e rrufe që s’i njohim.
Nuk mundëm as të ankohemi se
Jemi keq,
Me fjalën në gojë
“Rroftë Partia!”
Duhej të vdisnim.
Fundja pse të mos vdisnim,
Fundja edhe partia pse të mos vdiste?
Dyzet arna
Dyzet arna i numërova
Në xhupin e minatorit
E një kapele mbi kokë
S’di pse s’e numërova.
S’di edhe sa jetë
E sa lëkura jete
Nën dhe i lashë…
MBETËM NË PRITJE
Të gjithë presim shpresën se një ditë do të vijë,
Të gjithë i themi asaj: “eja të të shoh”!
Ajo ndoshta do të vijë një ditë,
Asnjërin nga ne nuk do të na njohë.
AFËR DHE LARG
Asgjë më të afërt
sesa e keqja me të mirën
në këtë botë
nuk paska!
A thua pse kaq afër e pse kaq larg?
Lutja
Gjithë jetën u lutëm,
U lutëm për shëndetin e fëmijëve
E fytyrën të mos ua nxijmë.
U lutëm jetëgjatë të jemi,
të rrojmë e të rrojmë sa malet…
Ne që thamë rrofshim,
Shumë herë thamë:
Vdekshim
pse lindëm.
A thua pse?
DO TË…
Kur fillon shtëpinë, shpreson se do ta mbarosh,
Kur sëmuresh, shpreson se një ditë do të shërohesh,
Kur vuan shumë nga varfëria, thua se do të shpëtosh,
Kur plakesh, nuk ke më shpresë se më do të rinohesh …
Por i urtë mos harro të bëhesh!
DITËT E MIA KËNGË
Sikur të gjitha retë e qiellit të mblidhen
E një vetëtimë të madhe të bëjnë,
Ditët e mia aty do të duken
Së bashku me krismat le të kthehen në këngë.
Natës në hënë dorë për dorë këndojnë
E vetëtimë tjetër presin që të vijë
Ditët që njëratjetrën numërojnë
Vjen dielli i mëngjesit ato do t’i shkrijë.
Nepër rreze dielli si uji në krua
Këngë të tjera me to të gëzojnë
E valle le të hedhin ato përmbi mua
Në buzët e vashave, aty të pushojnë!
***
Ruaju mirë
se mos humbasësh në mjegullnajat e bubullimave të mëdha!
C’TË THEM TJETËR PËR FJALËT E TUA
(Një plakut të urtë e burrë malësie)
Gjithë jetën duke folur
Duke folur me fjalë zemre e zë shpirti
Mbete.
Fjalët e tua,
Si drita e qiriut që dritë u bën të tjerëve
E në dritë të vet digjet e digjet…
Të gjitha ditët njësoj
Sot…nesër, dje…
Sivjet…vjet…s’di sa vjet,
Të gjitha njësoj.
Dielli lind e perëndon
E hënës vendin ia lëshon
E hënë…e martë e
prapë e hënë e martë,
java ikën e ne aty na lë
sivjet… pranvera, vera, vjeshta,
dimri më i gjatë
e edhe një vit na kalon
të festojmë
përvjetorë.
Një sot një nesër,
një sivjet, një mot
dhe ne, mbarojmë ditët
ashtu,
kot …
për të lënë të tjerë mbas…
III. SI NË GJËEGJËZË
SI NJË GJËEGJËZË
Një kafshatë bukë misri në dorë
E në mes të sofrës një bludë shëllirë
Ta ngjyejmë jetën,
A t’a ngjyejmë urinë?
Hija e malit
Një brengë trishtuese kthehet dhe më bëhet
Ajo hije e malit përballë shtëpisë sime,
Hija e kreshtës së përhimtë, me kapuçin e borës
E unë, as atje dhe as këtu,
Vargje shkruaj, mbaj shënime.
E delet, sot e kësaj dite kullosin shpatit
Brinjës së malit tim-orë për fshatin
Malli për të më merr deri në dhimtë mua të ngratin:
Për Meçinën, Malin e Kores edhe Lugbatin.
KUR ISHIM E PRAPË S’ISHIM
Kur humbëm të drejtat të rrojmë si njerëz
E shtrembëta na vuri atëbotë në zgjedhë,
Si qe na grahu vijave të një qerreje
Një qerreje të thyer
Që drejtë humnerës shkonte…
LE TA BËJMË EDHE KËTË PYETJE
Cdo ditë që ikën
Një hallkë shton
Në zinxhirin e rëndë
Në qafë varur.
Qafën vetëm për këtë e paskemi?
Paç fat!
Urimi i urimeve: -“paç fat!”
E fati ecte me këmbë breshke,
Në këmbën e urës ndalej, vonohej të vinte…
E si të mos vonohej
Kur s’dilnim vetë ta kërkonim?
U LODHËM SË PRITURI
Gjithë jetën mbetëm në pritje
Për më mirë,
E mira fshehur thellë,
Humbur në humbëtirë.
Agim Gashi- Administrator
- Numri i postimeve : 45955
Age : 69
Location : Kosovë
Registration date : 17/11/2008
Similar topics
» Cikël poetik poetik nga Viktoria Xhako alias Zhorz Sand-Trishtim
» Cikel poetik nga Leonora
» Cikël poetik nga Era Goxhaj
» Cikël poetik nga Zef Mulaj
» Cikël poetik nga Ali Podrimja!
» Cikel poetik nga Leonora
» Cikël poetik nga Era Goxhaj
» Cikël poetik nga Zef Mulaj
» Cikël poetik nga Ali Podrimja!
Faqja 1 e 1
Drejtat e ktij Forumit:
Ju nuk mund ti përgjigjeni temave të këtij forumi
Tue Mar 14, 2017 8:17 pm nga Agim Gashi
» IDRIZ ZEQIRAJ - SHIPTARËT NUK JANË "ME BYTHË NË PRUSH", PËR TË FALUR TOKAT
Mon Feb 27, 2017 6:54 pm nga Agim Gashi
» Akuzat kundër Shefqet Krasniqit Prokurorisë ia kishte konfirmuar edhe BIK-u (Dokument)
Mon Feb 27, 2017 5:20 pm nga Agim Gashi
» Aktakuzë kundër imamit Shefqet Krasniqi
Mon Feb 27, 2017 4:32 pm nga Agim Gashi
» Zbulohen tensionet gjatë dialogut në Bruksel, Nikoliqi Thaçit: Ti je kriminel
Fri Feb 03, 2017 7:40 pm nga Agim Gashi
» Faruk Tasholli - RJEPENI NANËN
Fri Feb 03, 2017 12:22 pm nga Agim Gashi
» FAMILJA E HAKI IMERIT: AI U VRA NË KOHËN KUR NË PUSHTET ISHIN HASHIM THAÇI E REXHEP SELIMI
Wed Jan 25, 2017 12:39 am nga Agim Gashi
» AGIM GASHI - O NE TREN PËR MITROVICË
Wed Jan 18, 2017 11:08 pm nga Agim Gashi
» Vëllai i tij u pajtua me Thaçin, por ja si ishte kidnapuar Haki Imeri në Brojë e më pas ishte vrarë
Wed Jan 18, 2017 8:13 pm nga Agim Gashi
» Fadil Maloku:Aferim, Prokurori e Kosovës!
Wed Jan 18, 2017 8:00 pm nga Agim Gashi
» Djali i Haki Imerit del kundër axhës: Nuk ia fali Thaçit, nuk dua drejtësi kanunore
Wed Jan 18, 2017 7:12 pm nga Agim Gashi
» IDRIZ ZEQIRAJ:Copëza biografike dhe kujtime për Ibrahim Rugovën
Wed Jan 18, 2017 5:13 pm nga Agim Gashi
» Presidenti Thaçi i “lahet me 124 pleq” Imer Imerit se nuk ka gisht në vrasjen e vëllait të tij
Wed Jan 18, 2017 4:00 pm nga Agim Gashi
» Adem Salihaj akuza të rënda ndaj Hashim Thaçit, ja si po mundohet të shpërlahet nga krimet e shumta që ka bërë
Wed Jan 18, 2017 3:53 pm nga Agim Gashi
» Ndodh edhe ky skandal: Njeriu që grisi fotografinë e Presidentit Rugova merr certifikatën e veteranit të UÇK-së
Tue Jan 17, 2017 7:55 pm nga Agim Gashi
» BERAT ARMAGEDONI:Lamtumirë, Joshua i Pejës!
Tue Jan 17, 2017 12:15 am nga Agim Gashi
» Biografia e Presidentit Rugova - Biografi e shkurtër
Mon Jan 16, 2017 10:32 pm nga Agim Gashi
» ILIR MUHARREMI : Treni provokativ, artistët në gjumë
Sun Jan 15, 2017 11:32 pm nga Agim Gashi
» Përveç ROSU-së, ky është shqiptari që rrezikoi jetën për ta ndalur trenin e Serbisë
Sun Jan 15, 2017 9:53 pm nga Agim Gashi
» ENVER PETROVCI - IN MEMORIAM SEFEDIN NUREDINIT- SEFA
Sun Jan 15, 2017 9:07 pm nga Agim Gashi