Musa Ahmetaj: AUTOBIOGRAFI

nga **Agim Gashi** Wed Dec 09, 2009 2:34 am

Musa Ahmetaj: AUTOBIOGRAFI

Në vitet e pesëdhjeta
U linda në katund
Biografia ime
Akoma pa fund

Çantën e shkollës
E kisha nga tekstili
Nuk dija ta dalloja
Kaçën nga trëndafili

Sot nuk më besojnë
Arianiti e Tringa
Që në shkollë kam shkuar
Pa çorape e me opinga

Në bankë uleshim
Tre katër veta
Për zhurmën më të vogël
Pasonin thuprat e nxehta

Byrekë e tost s’kemi parë
Atëherë askush
E hanim bukën nganjëherë
Vetëm me rrush

Nganjëherë nëna
Bënte lakrorë me spinaq
I madh e i vogël
Atë ditë kishte për t’u kënaq

Për party e diskoteka
As që kishim dëgjuar
Asnjëri nga ne
Duhan s’ka konsumuar

Unë nuk kam qenë
Fëmijë hasreti
Por nuk vuaj nga ajo
Që nuk jam fëmijë qyteti

nga **Agim Gashi** Wed Dec 09, 2009 2:37 am

Musa Ahmetaj: Pijaneci

Tërë kohën e kalon
nëpër restorana
Të shkretit fëmijë i hanë
Bukën me patligjana

Tavolinën e "punës"
E ka të rezervuar
Herë paguan me të gatshme
E herë me të shkruar

Dikur kah mesnata
Nervozohet nga pak
Pse nuk e shërbejnë
Me raki konjak

Mua më thonë
Xhaxhi Malushi
Shpeht e dua gotën
Me raki rrushi

Nganjëherë zgërdhihet
E herë qanë me lot
Shpuzoren e duhanit
Vazhdimisht e ka plot

Dikur pas mesnatës
Në shtëpi mezi shkon
Grua dhe fëmijë
Vazhdimisht i maltreton?!...

Mon	Tue	Wed	Thu	Fri	Sat	Sun
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30