Skënder Korça:Cikël poetik

nga **Agim Gashi** Sat Mar 20, 2010 5:57 pm

Skënder Korça:Cikël poetik

Kur shikon me sy
nate

Sytë i ke sikur urithi
Për të parë vetëm një njeri
Në natën tënde
Nën dheun tënd sa herë
Mashtroje skraja për ikje
Heshtur vije tek unë

Kur ti shikon
Çdo gjë të duket e bukur
Kur unë të dukem i verbër
Sikur sytë e tuaj nën dheun tënd
Në pasqyrën tënde të palarë
Sapo del nga drita jote në dritën time

Bëhesh kujtesë e natës
Kur mbyllë sytë në dritë
As dritën e as mua nuk na do
Për lakuriqin në mbrëmje
Për urithin në tokë ditën
Jam identik kur ti shikon

Kur lanë pasqyrën tënde
Kam fluturuar me fshesë shtrige
Edhe natën edhe ditën
Për të jetuar një ditë
Me lakuriqin dhe urithin tënd
Kur Ti me shikon

Autopsi

(Kushtuar kokës
për të vendosur vet)

Prehem në mbrëmje
Për të qenë gati nesër
Me helm përmbushur kupash
Sa ëmbël të shohin cezarian të prerë
Në luftimin tënd pa autopsi

Pëlhura me shumë ngjyra
Nxjerrët nga barku im
Për të arritur në bregun e largët
Pa pasion pa siguri
Për një autopsi të huaj

Kundërshtuar kam lindur
Me dashurinë time erdha tek ju
Në gjeneratën që me therret rebel
Për të përjashtuar një kirurgji
Kafkën që ma presin në veriun tim

Arka me kocka të mia
Kanë lënë në oborret e tyre
Kur ndërtuan pasionin
Për të më vrarë e gjykuar
Kur doja të dija varrin tim

As drejtpeshim nuk do kirurgu
Pret në mes të mushkërisë sime
Sikur të lëvrojë në arën me plot koka
Sëpatat e tyre mprihen pa mejdan
Për të vdekur i bukur trupi im

Kur nuk je vetja ime në veri
Aty kisha vetëm kokën time
Lisit tim ja hodha ujin me gjak
Në truallin autopsisë që po zbret
Përditë në lëmshin e thurur në bisht

Sa dëshmitarë të duhen
Për rrëfimin tim, të botës sime
Për tokën time veri ku më rri pushka
Pa decentralizim mendjesh
Për të ikur edhe njëherë autopsisë

Mos më gjyko pse jam kështu
Sikur thikat që më godasin
Në konferenca elefantësh
Për të lëshuar perin që më vari në litar
Që ma dredhon në autopsinë time

Bota do pazaret pa mua
Pa lisin tim që kushton shumë
Për autopsinë që po e paguajmë vet
Kur në dorën time më la thikën
E më tha, preje vetën tënde

Kam për të vendosur një ditë
Autopsi të mos ketë për mua
Sepse po ngritem për fatin tim
Për të ikur në gjirin e nënës sime
Sepse ajo nuk më do përgjysmë

03/03/2010
"Sikur te vdisja duke vendosur fatin tim, vdekja do ishte arti me i
bukur" thenie personale... (S.K)

Intrigë mendjesh

Fjalë vrastare
Boshte të mendjes së thyer
Thirrje me trumbetë nga gjumi lënë
Diell i zënë me çarçaf
Për të mbuluar herë gënjeshtër
Me dëshirën intrigë mendjesh

Në botë çfarë është kjo jetë?
E jeta çfarë bote përmban?
Intriga me pak gëzim për karakter
Gëzime me intriga pa karakter
Trumbetat nuk ndalen
Në mendjen e thyer për arkivole

Butësisht mbetesh njeri
Me helme pasionesh
Mjaltë me lule gjemba për t’u ushqyer
Pa dashjen tënde futesh në valle
Për të lozur me fat
Sikur në djepin që bie një barbar

Një ditë mëson për vetën tënde
Kush je para tyre dhe para vetes
Thua njeriu që shqyhem sikur një qilim
Me fluturim mendjesh
Nga lartësia e rrokaqiellit të rrëzuar
Në intrigën e artit modern – dashuri

Ndryshe përvetësuar

Sa herë hapja sytë
Shihja gdhendje skulpture
Dorë të artë gjyshi
Në artin e botës moderne
Mure veprash ideale që rrijnë atje
Me hiroglife të deshifruara

Në perëndim ngrita muze
E vjedhjës së artit të tim baba
Bukën e gojës ja fala me nënën time
Shpatën time e vura në sheshe plakë
Sot mbeta lakuriq në përvetësim ndryshe
Shpallem pirroman në atelenë time

Ndryshe do isha unë
Bir i tragishëmisë kulturore
Në shesh të lënguar për sytë e Homerit
Me vesh të prerë të Van Gogut
Për bizonin e plagosur të shpellës sime
Kur gjyshi im fali Lirinë sheshit plak

Unë dhe ty bëhemi vetëm histori
Sepse të parët tonë ishin donatorët e bardhë
Pa trëndëfile të kuqe u bëmë dashuria e plakës
Blue dhe bardhëruar urova të varfërin e largët
Për të shëruar plagët e mia globale
Kur unë lëngoj sot në ndarjen e murit kinez

Paguaj sot përvetsimin e artit tim
Ndryshe nga ata që vuajnë nga nishanet
Sikur sollën lirinë time
Lakuriquar jam paqësor edhe pa Ty
Me ninullat e Panteonit që i kam kënduar unë
Për të mos u përvetësuar më nga TY

Më kthe borgjin me ftesë në dasmën tënde
Ku martohesh dhe gazmon me këngën time lirie
Kur orkestra ime bëri simfoni në sheshin tënd plak
Kur me kamgjikët e kohës më hoqe lëkurën time
Pallto e gjyshit tim me leshra të bardha
Sikur zemra ime natyrale

Një ideologji

Ndarje,
Bashkim?
Moratorium,
Ngrirje në vend,
Për demagogjinë e kohës së tyre
Duke thënë jemi bashkë,
Prapë ndarje
Projekte famoze të dala nga arka djalli
Servime në tavolina darkash mishngrënëse
Kur thonë ata bëhet kjo gjë ,
Flet një demagog hero i shpallur
Kur pra o besim i mjerë i imi ?
Në ditën e zhveshjes nga tradita
Ashtu e kërkon koha e tyre
Të zhveshur në elitën e bashkuar
Pa guxim e pa roje shpirti
Me një këpucë e një opingë në ushtri
Laramanë në ideologjinë e luftës për Liri
Sikur kjo ideologji arkivi e ditës që do vje

Bluebardha pelerina e dashurisë
( Nënë Tereza)

Dashuria ishte shenjtëria saj
Me sy dashurie pa ngjyrë fytyrash
Sikur urtësia e nënës kur je në gji
Sikur botën që nuk e pa të ndarë
Bluebardha pelerinë e dashurisë

Dashuri kryevepër
Të sëmurin kur prekte ajo
Sëmundja bëhej dashuria e ngadhënjimit
Vuajtja harresa që bëhej vetëm kujtim
Emri saj Nënë, thirrja e pa amshim

Në boshtin e lëmshit tokësor
Dashuria është alfabeti i shkruar nga ajo
Sot kur citojmë shkronja dashurie
Mësojmë vyrtytet e origjinës bij
Për krenarinë dhuratë dashurisë njerzore

Emri saj Nënë,
Nëna ime, bija e kombit tim
Nëna yte, bija e dashurisë universale
Nëna e dashurisë, modeli i shenjtërisë
Nënë Tereza bluebardha pelerinë e krenarisë

Thënie :
DASHURIA E DHURUAR PËRMES NËNËS TEREZE, ËSHTË KUPTIMI UNIVERSAL I DASHURISË PËR
HUMANEN, PËR NJERZIMIN QË VLERAT E SAJA SOT JANË MBURRJA DHE KRYEVEPRA E KOMBIT
TIM, PËR TË MËSUAR TË GJITHË LËMSHI TOKËSOR SE JU KEMI DHURUAR MODELIN UNIKAT
BOTËROR PËR TË CILIN BOTA VUAN SHPESH....(SKENDER KORÇA)

Skënder Korça:Cikël poetik 25432_1275779131857_1151332627_30664658_3989_n

Skënder Korça:Cikël poetik 25432_1275779131857_1151332627_30664658_3989_n

TE DASHUR MIQ, KJO POEZI DO BOTOHET NE LIBRIN QE DO
NXJERRE NE MAJ Z.ENGJELL KOLIQI, NE 100 VJETORIN E LINDJES SE NENE TEREZES. KY ESHTE NDERI ME I MADH PER MUA. FLM MIKU IM
Z.KOLIQI.
LIBRI DO BOTOHET NE DY GJUHE ATE SHQIPE DHE ITALIANE!

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31