Vullnet Mato: KRESHNIKU I KANGËS

nga **Agim Gashi** Tue Jun 08, 2010 7:16 pm

Vullnet Mato: KRESHNIKU I KANGËS 24329_1234865162933_1568334934_30475288_4637385_n

Vullnet Mato

KRESHNIKU I KANGËS

Kreshniku i kangës Agim Gashi - Elez Alia,
tash sa kohë tue vujtun në shtrat ka ra...
Nat e ditë mbi kryet i pikon e bija,
ia terr dhimbat me lotët e syve të saj.

Shtatin babës ia qetëson me sytë e ballit,
tue i dhanë kurajë me buzagazin e ambël,
tue ia largue dhimbën e sëmundjes e të hallit
me njomzën e shpirtit e bardhësin’ e zemrës.

A dalë zani e paska marrë dhenë,
se sëmundja dhe bajlozët nga krajlia,
duen me ia shue kangën te buza e vet,
e me ia ngri zogjtë e gishtave te sharkia.

Ia ka nis bija e vogël me u trishtue,
e krejt me lot të atin po e mbulon:
Po qysh nana, or babë, me na harrue ?
Qysh Kosova kangët e trimave t’i mohon?

Qysh s’u shembka kulla e kangës me na xanë?
Qysh s’u kthyeka kurbeti në nji muranë!
Qysh s’u shuen rrufetë e liga anembanë
me të shpëtue zanin, o i miri babë?...

Dy riga lot babës për faqe i kanë shkue,
dy fjalë së bijës ia ka lëshue si kangë:
Kurrë ma thekshëm, bijë, s’ke fol me mue,
që për Kosovën më ashtë ndrydh jeta e tanë !

E kam ngrit kullën tonë veç te sharkia,
ku heronjtë i kam ftue me i gostit në kangë !
Hej u nxifshi moj sarajet e kangëve të mia,
dhe vrik në kambë a çue e sharkinë ka zanë !

E ia ka nisë kangës për shpresa ditësh të reja,
e dhimbët e trupit krejt përtokë i kanë ranë,
e vajzën dhe shokët i ka pushtue hareja,
e jeta e tij ashtë zgjatun deri në hanë !...

nga **Agim Gashi** Thu Jun 10, 2010 2:28 pm

Koment i Adem Berishës në Albemigrant!

Adem Berisha Vullnet Mato: KRESHNIKU I KANGËS Icon10-external-url

Mittwoch, 9. Juni 2010

Mjeshtrit e artit, i Madhi krijuesi dhe rapsodi i rrallë Agim Gashi dhe profesori, intelektuali e shkrimtari i mirënjohur Vullnet Mato, mahnitën gjithë dëgjuesit dhe lexuesit e veprave të tyre me krijimet e fundit artistiko-letrare të cilat na sollen së fundmi nëpër dritare të ndryshme tëinternetit.
Ndonëse thonë: "Për të gjallë nuk këndohet kënga", autorët e këtyre veprave meritojnë përkushtimet reciproke por edhe të tjera nga krijues e artdashës tjerë të artit dhe kulturës tonë kombëtare.
Zotëriu e miku im shumë i dashur dhe respektuar Agim Gashi së fundmi përballet me disa shqetësime shëndetësore por unë lutem dhe uroj që ai me dinjitetin e tij burrëror e moralin e fortë që ka, sa më shpejt suksesëshëm t'i tejkalojë.
Me shumë respekt dhe dashamirësi të pafundme përshëndes që të dyja këto figura të ndritura të artit dhe kulturës tonë kombëtare, z Agim Gashi dhe z. Vullnet Mato.

nga **Agim Gashi** Thu Jun 10, 2010 2:29 pm

Guest

Mittwoch, 9. Juni 2010

I dashuri miku ynë, poet e shkrimtar, njeri me plotkuptimin e fjalës, o bujari i bujarisë shqiptare Adem Berisha, Ju falenderoj njerzisht, vllëzërisht e miqësisht me zemër e me shpirt. Je njeri që shpirti të knaqet me të miren njerzore e sidomos për të mirën shqiptre. Më rrofsh sa malet, qofsh i bekuar nga ne e nga Zoti, jetofsh sa malet!

Me rrespekt Agimi!

nga Sponsored content

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30

Vullnet Mato: KRESHNIKU I KANGËS

Vullnet Mato: KRESHNIKU I KANGËS

Re: Vullnet Mato: KRESHNIKU I KANGËS

Re: Vullnet Mato: KRESHNIKU I KANGËS

Re: Vullnet Mato: KRESHNIKU I KANGËS