Muharrem Sfarqa:Kujdes më i madh për bashkatdhetarët dhe bashkëveprimtarët tanë

nga **Agim Gashi** Wed Jun 09, 2010 7:35 pm

Muharrem Sfarqa:Kujdes më i madh për bashkatdhetarët dhe bashkëveprimtarët tanë

Sabit Rrustemi

Shkrimtari Sabit Rrustemi, përndryshe këshilltar politik i z/kryeministrit të Qeverisë së Republikës së Kosovës Ramë Manaj, përpos pjesmarrjes në dhënien e çmimit letrar ''Azem Shkreli'' nga ana e LSHAKSH në Gjermani, pastaj në shënimin e 24 Majit - Ditës së Presidentit si dhe pjesmarrjes në përmbylljen solemne të Sallonit të 40 - të Akademisë Eurpiane të Arteve në Gembloux , periferi e Brkuselit, pati edhe takime të shumta me bashkëveprimtarë të LDK-së, publicistë e shkrimtarë si dhe bashkëatdhetarë të cilët jetojnë dhe veprojnë në Gjermani, shtete të Beneluksit si dhe në Austri.
Gjatë qëndrimit në Gjermani, ai u takua me sekretarin e degës së LDK-së, z. Qazim Bajgoraliu, degë e cila këto ditë shënoi 20 vjetorin e themelimit dhe veprimtarisë së bujshme në këtë pjesë të Evropës për çështjen e Kosovës. Pastaj me kryetarin e rrethit të Ahenit për LDK-në, z. Abedin Gashi si dhe bashkeveprimtarët tjerë të këtij Rrethi, Ismet Mehmetaj e Muharrem Sfarqa.
Takime dhe njohje me veprimtarinë e degës së LDK-së për Beneluks, z. Rrustemi zhvilloi edhe me nënkryetarin e kësaj dege, z. Kujtim Hajdaj si dhe bashkëpunëtorët e tij duke e zgjeruar këtë agjendë edhe me një takim shumë të ngrohtë me nëndegën e LDK-së në Namyr të Blegjikës.Kryetari i kësaj nëndege z.Enver Veseli,kishte zgjedhur klubin shqiptarë "Rinia",për bashkëbisedim me mysafirin nga Kosova.
Një ndalesë aktivitetesh dhe takimesh, z. Sabit Rrustemi zhvilloi edhe në Vjenë të Austrisë, ku u takua me kryetarin e Degës së LDK për Austri, z. Ibish Rugova dhe kryetarin e nëndegës së LDK për Vjenë, z. Miftar Berisha.
Në të gjitha këto takime, u shpreh konsideratë e lartë për punën dhe veprimtarinë e LDK-së në shtetet e Perëndimit, veprimtari e cila tash kërkon një çasje të re si dhe vëmendje më të madhe nga Kosova dhe vetë Kryesia e LDK-së në Prishtinë. Ka shumë forma të reja angazhimi, të cilat sipas z. Rrustemi, do të kontribuonin më tej, në konsolidimin e shtetit të Kosovës, forcimit të imazhit të po këtij shteti, afrinë dhe shkëmbimin e përvojave me partitë simotra nëpër këto shtete si dhe lobimin për investime të përbashkëta në Kosovë.
Po gjatë këtyre takimeve, z. Rrustemi, u njoh edhe me shumë shqetësime tjera të cilat do t'i bartë në instiucionet relevante në Kosovë, gjithnjë në funksion të një kujdesi më të madh për mërgatën tonë dhe veprimtarët e shumtë që veprojnë në këto shtete dhe që janë shembulli më i mirë i prezentimit të Kosovës në Evropë.
Këshilltari politik i z/kryeministrit të Kosovës, zotit Ramë Manaj, shkrimtari dhe veprimtari Sabit Rrustemi, pati takime edhe me përfaqësues të ambasadës së Kosovës në Bruksel, z. Gani Azemi dhe Raamadan Gashi si dhe me një numër të konsideruar shkrimtarësh e publicistë që jetojnë, krijojnë dhe veprojnë në Perëndim, si me anëtarët e LSHAKSH ër Gjermani, Martin Cunin e Pal Sokolin, Hasan Qyqallën,Shaban Cakollin, Alma Papamihalin, Dibran Demakun e Sadik Krasniqin po, edhe me të tjerë si të shpërblerin e këtij viti me çmimin ''Azem Shkreli'', shkrmtarin Arif Molliqi, Faruk Tasholli, Muharrem Ramabaja,Sabit Gecaj,Magjun Smajlin e rapsodin e palodhur, Agim Gashin.
Ai vizitoi edhe shtëpinë e nobelistit Gjerman,Heinrich Böll dhe parkun nacional buzë shtëpisë së shkrimtarit të njohur.
Sabit Rrustemi, gjatë qëndrimit disa ditor nëpër këto shtete, u takua edhe me familjarë nga Kosova që janë kërkues azili në Francë, pastaj me mërgimtarë shumëvjeçar nga Kosova, në Gjermani, Belgjikë e Austri.
Sipas z. Rrustemi, Kosova dhe institucionet e saj, përfshirë edhe partitë politike këtu, duhet të jenë më prezente në mesin e mërgatës sonë si dhe më efikase në përmbushjen e shërbimeve dhe kërkesave ndaj kësaj kategorie që aq shmë dhanë dhe po bëjnë çdo ditë për Kosovën.

"Zëri i Ditës", 07.06.2010

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30