POEZI QE FITOI VENDIN E PARE NE KOKURSIN LETRAR TE MALISHEVES‏

nga **Agim Gashi** Wed Jun 16, 2010 11:36 pm

POEZI QE FITOI VENDIN I PARE NE KOKURSIN LETRAR TE MALISHEVES‏
Hasan QYQALLA
BALADË PËR KOSOVËN

Të gjeta të ngrysur në gjunjë
pa krrokamë sorrash
veç...gurgëllimë prrockash
veç...shushërimë plepash!
As qengj,as dele s'blegërin
as vaj, as loj, as zë fëmije s'ka
"bereqetet" shkrumb i zi
Kostar pa kokë, pa duar, pa sy
veç...lumi gurgëllin
Lisi zgavrosur seç ngrin!
gjëmën ta dëgjoj
dhe rënkimet e thella
me plagën e njomë
me gjakun e avullt
mbi trupin e akullt!
E Fytyrë mavijosur
bymehej njomaku...
Loti lag Drenicën,
frymon thellë Dukagjini
përpëlitet Podrimja
dëneset Llapi
tymon Qyqavica
flakëron Gollaku
ulërinë Karadaku
plangon Kosova
veç...lumit në lëndinë
mes zverdhjes psherëtin
ndjej dhëmbjen e Lisit
në nderim të gjakut e Fisit...

Shpirti përgjon dhembjet
e Kosovës,
e të çunit...
eh si të falem Kosovë?
...a fare s'do më falësh!?
këtej "krrokaten" poetë
shkarravisin peisazhe
.
.
.
Edhe njëmijë jetë
Ty Kosovë të falë
Ty dhe lumit e malit tim
Ty gjaku i gjenit tim
Kosovë zgjohu në Liri
shekujt u gjunjëzuan
njëqind e një qirinjë për Ty rrinë ndezë
njëqind e një lule në Ty aromizohen
e ashti heshtur karbonizohet
"Kosovë,gjaku im që nuk falet"!!!

Zgjohemi me emrin tënd
ligjëroj me zërin tënd
të puthë plagën e tmerrit
Kosovë - vargu im i fundit
Kosovë - loti im i fundit
Kosovë - dhëmbja ime e fundit
Kosovë - dufi im i fundit
në mes Lisit e Lumit!!!

korrik-gusht '99

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30