EULEX: Krahas hetimeve edhe arrestime për krim të organizuar dhe në korrupsion

nga **Agim Gashi** Mon Jun 28, 2010 9:47 pm

EULEX: Krahas hetimeve edhe arrestime për krim të organizuar dhe në korrupsion

Misioni i BE-së për sundimin e ligjit në Kosovë, EULEX, mohon se po ushtrohet presion në hetimet që po i zhvillon ndaj zyrtarëve të lartë në Kosovë, ndërsa sërish paralajmëron se krahas hetimeve do të bëjë edhe arrestime të zyrtarëve të implikuar në krim të organizuar dhe në korrupsion. Zyrtarët e EULEX-it hedhin poshtë mundësinë që ndërhyrjet politike të jenë shkaktarë të mungesës se arrestimeve të paralajmëruara muaj më parë. "Prokurorët e EULEX-it dhe hetuesit janë duke e bërë punën e tyre pa ndonjë ndërhyrje nga jashtë. Të 27 shtetet anëtare kanë shprehur mbështetjen e tyre të plotë për aksionet tona të fundit", ka thënë Karin Limdal, zëdhënëse e EULEX-it. Sipas saj, EULEX-i do t`i bëjë arrestimet në kohën e duhur. "EULEX-i bën arrestime atëherë kur hetimet mbërrijnë një shkallë që i bën arrestimet e domosdoshme apo të duhura. Përderisa vazhdojmë me hetimet në të gjithë rastet arrestimet do të bëhen, ashtu siç e kemi thënë edhe më herët, atëherë kur hetimet të mbërrijnë në atë fazë", ka thënë Limdal, duke rikujtuar faktin se hetimet që po i zhvillon EULEX-i kërkojnë kohë. "Siç është thënë shumë herë, shumë raste të hetimeve kërkojnë kohë dhe fakti se nuk ka shenja që shihen publikisht, nuk do të thotë që hetimet nuk po zhvillohen. Duhet ta kemi parasysh se jo në të gjitha rastet ka nevojë për arrestime, në mënyrë që një hetim të zhvillohet", ka thënë kjo zëdhënese e EULEX-it.

Bota sot

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30