Agim Gashi:DY KORRIK I VITIT ‘90-të

nga **Agim Gashi** Sun Jul 04, 2010 8:17 pm

DY KORRIK I VITIT ‘90-të

(Tekst i këngës rapsodike)

Agim Gashi

Dy Korrik i vitit ´90-të
Historia e shkroi ni jetë
E kanë nënshkru´ niqind e
pesëmbëdhetë,
Kosovës tmerrin me ia hjekë,
Me hapë rrugën e lirisë
Me vullnet të popullsisë
Sepse populli kosovar
Pavarësi ka lypë me shpallë,
Rrugë t´lirisë me hapë për ne
E me shkru´ kushtetutën e re.
Ditë e hanë dielli ka le
Shndrit Kosovën t´dashtunin
Atdhe
Shndrit Kosovën me i dhanë
jetë,
Kanë marrë rrugë niqind e
pesëmbëdhetë
Ju rrah zemra prej dëshirës ,
E me hy n´qytet t´Prishtinës
Pa u ndeshë me milici,
Që ka pru´ mjaft kjo Serbi,
Me ia zbutë zemrën
Bozhoviqit,
Që sa herë derën e kyçi
S´lejoi me hy n´shtëpi të vet
Si të ish i veti ai parlament,
Por s´do të bahet ma i tradhëtarëve;
Po do të jetë gjithë i
Kosovarëve.
Porse trimat që mirë mendojnë
Kanë një lëkurë që nuk e
ndërrojnë,
E kanë zemren plot gjallni
Pranë Kuvendit mirë kanë
mbërri
Porse derën prap e kyçi
"Kryetari" ai Bozhoviqi,
Nuk don deren askush me
çelë,
Porse dielli i mirë nxen në
verë
Kështu njiqind e këta pesëmbëdhetë
Në oborr mirë kanë zanë vend
Fillon punën ky Kuvend.
Në katër anët të rrethu´m,
Por të trembun jo, jo kurrë
Të tri dhomat kanë vendosë
Me udhëeqë këtë mbledhje
sot,
Gjurgjiali emnin Bujar
I prizerenit faqe bardhë,
Përcjellin mbledhjen gazetarë
E musafir nga bota mbarë
Verena Gravsi për liri
E Zhan Zhaku për miqësi,
Çarls Greivsi për drejtësi
Eva Bredli avokate,
Përcjell botën kate-kate.
Kështu këto kushte jashtënormale
Po udhëheqë Bujar Gjurgjiale

Delegate e delegatë
E përcjellin me zemra plot
Se n´këtë ditë, vendimtare,
Po i mbrojnë të drejtat kombëtare,
Që ky popull i lau me gjak
Tue na vra në arë e prag
Tue na vra në rrugë e votër
Tue vajtu´ po nanë e motër,
Ushtarë të vramë tue na pru´
në shpi
Për me u kthy´ nuset n´gjini,
Por sot vetëdija e jonë kombëtare,
Asht e pastër e jo tradhtare,
E tradhtarve u kem´ tregu´
Me fat të popullit nuk mujnë
me lu!
Nisë me folë Bujar Gjurgjiala
Kosovarëve po u çon të fala
-Delegat na keni zgjedhë
Me i mbrojtë të drejtat me
nderë,
Me kerku´ kushtetutë të re
Me nderu tonin Atdhe
Mos me shitë Kosovën plakë
Që sa herë u la me gjak,
Përfundim në t´katërtën pikë
Ashtë Kosova Republikë,
Duartrokitje në qiell e në dhe
Do t´na del dhe Kushtetuta e
re.
Se na quajnë, po, tokë
poshtëruese
Deklaratën kushtetuese
Me pesë pika Kuvendi e bani
E lexon Muharrem Shabani,
Kjo deklaratë, ky dokument
Që Kosovës t´i ipet vend
Në Federatë a n´Konfederatë
Veç me qenë të barabartë.
Se n´vend të tretë me popullsi
Ne që jemi n´Jugosllavi
Dom liri, DEMOKRACI,
Nuk dom tanke, ushtri, përdhosje
Porse dom ne vetëvendosje
Gjithmonë të tjerët i kem´
nderu´
Asnjëherë s´i kem´ nënçmu;
S´i kem´ qujtë popujt kombësi
Si na quen neve kjo Serbi.
Porse populli ynë shqiptar
Mirë e di kush asht´ tradhtar,
Mirë e di kush ka nënshkru´
Që ketë tokë me aneksu´,
Porse sot kem njerëz
t´vertetë
Të Kuvendit njiqind e pesëmbdhetë
Të gjithë të lidhun me besabesë
Për komb të vetin me luftu´
Kurrkujt të keqen pa ja
mendu´
Të gjithë janë pëllumba të
bardhë n´pranverë
Ka me i dashtë populli përherë

www.prishtinpost.inf fq.29

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30