Kolë Berisha jep dorëheqje nga posti i nënkryetarit dhe të anëtarit të Kryesisë së LDK-së

nga **Agim Gashi** Thu Jul 08, 2010 10:03 pm

Kolë Berisha jep dorëheqje nga posti i nënkryetarit dhe të anëtarit të Kryesisë së LDK-së

Kolë Berisha ka dhënë dorëheqje nga posti i nënkryetarit dhe të anëtarit të Kryesisë së Lidhjes Demokratike të Kosovës (LDK). Sipas një njoftimi, Berisha thotë se vendimin për tërheqjen nga postet partiake e ka marrë për shkaqe personale, si dhe për t'u hapur rrugë forcave të reja. Gjithashtu Berisha thotë se këtë vendim e ka marrë pas konsultimeve me miqtë dhe në veçanti me kryetarin, Fatmir Sejdiu. "Duke filluar nga sot (7 korrik 2010), tërhiqem nga posti i nënkryetarit dhe i anëtarit të Kryesisë së LDK-së. Mbetem edhe më tutje anëtar i denjë, besnik, i LDK-së dhe deputet i saj në Kuvendin e Republikës së Kosovës, i gatshëm, që në çdo kohë, kurdo që e kërkon nevoja, të jap kontributin tim modest, por, tani e tutje vetëm si anëtar i rëndomtë dhe deputet. Tërheqjen nga postet e cituara e bëj për shkaqe personale, si dhe për t'u hapur rrugë forcave të reja. Çdo përpjekje, e kujtdo qoftë, për t`i dhënë karakter tjetër këtij akti personal, do të konsiderohet si spekulim me qëllime të caktuara ndaj meje dhe ndaj LDK -së", pohon Berisha në vendimin e tij. Lidhur me angazhimet e tij të deritanishme në LDK dhe në institucionet e Kosovës, Berisha ka veçuar punën me ish-presidentin Rugova. Megjithatë ai thotë se edhe me tutje do të mbesë anëtar i LDK-së dhe deputet në Kuvendin e Republikës së Kosovës.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30