Bler: Tash keni përpara betejen për paqe që t’i bashkëngjiteni BE-së

nga **Agim Gashi** Fri Jul 09, 2010 4:19 pm

Bler: Tash keni përpara betejen për paqe që t’i bashkëngjiteni BE-së

Ish-kryeministri i Britanisë së Madhe, Toni Bler, i cili po qëndron për vizitë dyditore në Kosovë, sot ka mbajtur një fjalim para qytetarëve të Republikës së Kosovës, që ishin mbledhur në sheshin “Nëna Terezë” në kryeqytet.

Bler ka përgëzuar ata për shpalljen e Kosovës, shtet të lirë dhe demokratik dhe i ka falënderuar për mikpritjen që po i bëjnë atij.
Më tej Bler, duke iu drejtuar masës së tubuar, e cila e priti me ovacione të mëdha të duartrokitjeve, tha se i ka vetëm dy çështje për t‘i theksuar para popullit të Kosovës.
E para ka të bëjë me momentin kur u bashkuam në solidaritet para 11 vjetëve për të intervenuar në Kosovë ushtarakisht ndaj forcave serbe dhe koha na bindi se vepruan drejtë, sepse ajo ndërhyrje ishte për mbrojtjen e njerëzve të pafajshëm dhe ishte një obligim i yni i civilizimit.
Ndërkaq, e dyta është se ju keni luftuar për të krijuar shtetin e ri të Kosovës, por tash keni përpara betejën e paqes duke pasur qëllim t’i bashkëngjiteni Bashkimit Evropian, betejë kjo që, siç tha Bler, është shumë e rëndësishme. Ai nuk la pa thënë se edhe në këtë betejë nuk do ta kursejë veten, por do të ndihmojë në çdo aspekt.
Ish-kryeministri Toni Bler para qytetarëve falënderoi gruan e tij, për të cilën tha se ishte gjithmonë pranë tij dhe e ka ndihmuar atë të bëjë atë që është deshtë ta bëjë.
Në përfundim të fjalimit të tij para masës së tubuar ai tha se ka privilegjin, nderin dhe kënaqësinë t’ju urojë pavarësinë dhe njëherësh të falënderoj popullin e Kosovës për mikpritjen që po i bëjnë.
Komuna e Prishtinës kishte organizuar një pritje madhështore ku në skenën e improvizuar para Teatrit Kombëtar kishin dalë që ta presin disa fëmijë të cilët, me nder dhe krenari mbajnë emrin e tij. Fëmijët falënderuan ish-kryeministrin Bler duke i thënë se falë edhe ndihmës së tij ata po rriten në liri dhe tani ata brengosen për gjërat e njëjta si edhe fëmijët e tjerë evropian.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30