Rugova: LDD partia më demokratike në Kosovë

nga **Agim Gashi** Sun Jul 11, 2010 1:20 pm

Rugova: LDD partia më demokratike në Kosovë
Nënkryetari i Lidhjes Demokratike të Dardanisë, Naser Rugova theksoi të shtunën se LDD ndihet komode sa i përket hetimeve që EULEX-i është duke bërë, duke përfshirë edhe partitë opozitare.
Nënkryetari i LDD-së këto komenti i bëri në një konferencë për media, ndërkaq pohoi se LDD është partia më demokratike në Kosovë, duke iu kundërpërgjigjur akuzave të ish zyrtarëve të kësaj partie që e kanë braktisur, me arsyetimin se në LDD nuk ka demokraci.

Rugova paralajmëroi ardhje të reja në këtë parti, duke thënë se i takojnë profileve të ndryshme, më të larta profesionale.

Rugova foli edhe për ambientin në Kosovë, që sipas tij Qeveria e Kosovës e ka anashkaluar plotësisht. Ai përmendi gurëthyesit ilegal në Kosovë, që sipas tij janë të lidhur me zyrtarët qeveritarë dhe lokalë, prandaj nuk e ndërpresin aktivitetin e tyre.

Po ashtu ka përmendur edhe ndërtimet pa leje në Prishtinë, duke i quajtur “mafi” të ndërtimit udhëheqjen komunale, partinë LDK, si dhe PDK.

Ndërsa, Sokol Haliti, nga LDD duke folur për bujqësinë, tha se gjendja është e mjerueshme.

Ai ka akuzuar ministrin e Bujqësisë, Blerand Stavileci se ka marrë militant të partisë në ministri dhe jo kuadro profesionale. /Telegrafi/

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30