ORA:Qeveri e papërgjegjshme

Qeveri e papërgjegjshme

Dafina Xhemaj, BOTA SOT
ORA e shqetësuar për grevën e punëtorëve shëndetësorë





Në konferencën e rregullt javore të Partisë Reformiste ORA, kryetarja e kësaj partie Teuta Sahatqija tha se kjo javë është karakterizuar me lajme brengosëse siç janë vazhdimi i grevave të punëtorëve shëndetësorë si dhe me refuzimi i miratimit të Strategjisë antikorrupsion nga Kuvendi i Kosovës si dhe me lajme të mira, si është vazhdimi i përkrahjes së SHBA-ve për shtetin e Kosovës dhe shpallja e vendimit të Gjykatës Ndërkombëtare kundër 5 zyrtarëve serbë për krimet e kryera në Kosovë.
Liderja e partisë ORA tha se vendimi i Gjykatës së Hagës nuk mund t’i sjellë në jetë anëtarët e humbur të familjarëve të viktimave, por së paku është një satisfaksion moral për ata. Por sipas saj ky është një satisfaksion jo i plotë pasi kreu i shtetit serb si përgjegjës për gjenocid nuk u dënua tha Sahatqija.
Ndërkaq duke folur për grevën e punëtorëve shëndetësorë, Bajram Selimaj, anëtar i Kryesisë, e kryetar i Komisionit për shëndetësi, grevën e quajti mjaft shqetësuese dhe tha se kjo qeveri ia ka kaluar të gjitha qeverive të më pashme për joseriozitet..E pyetur se a e mbështet Partia Reformiste Ora grevën e punëtorëve, ajo tha se patjetër që e mbështesim, dhe kjo konferencë ishte me qëllim që të tregojmë mbështetjen tonë dhe të kërkojmë prej qeverisë një angazhim të shtuar në mënyrë që të zgjidhet sa më shpejtë edhe sa më mirë kjo grevë”, përfundoi Sahatqija.