ALBIN MEHMETI:Të lumtë ne për "shekullin" e ri

nga **Agim Gashi** Sun Aug 29, 2010 6:20 pm

ALBIN MEHMETI

Të lumtë ne për "shekullin" e ri

Në shekullin e ri me ndryshime rrënjësore
U “krijuan” flamuj e simbole shtetërore
Në Kosovë deri sa erdhi Pavarësia
Një flamur kishim ne e Shqipëria.

Tash kemi arritur një “traditë”
Kërkojmë që t'i ndajmë dhentë nga dhitë
Tash kemi flamurin me aromë multietniciteti
Ku një yll në flamur i rezervojmë çdo komuniteti.

Ylli i parë i është rezervuar shqiptarit
Kaq të vogël, na e parasheh plani i Ahtisarit
Yllin e radhës serbëve ua rezervojmë
Që "Mitin për Kosovën” përsëri ta mësojmë.

Më pastaj në flamur vjen ylli i turkut
Së bashku me përrallat e deles e ujkut
Ylli i katërt për komunitetin boshnjak
Që askujt të mos i hyjmë në hak.

Renditen yjet dalëngadalë në flamur
Romët kërkojnë të hyjnë në këtë aventurë
Ylli i fundit për komunitetet e vogla
Për tolerancë (të tepruar) të na njeh bota.

Tash tradita jonë shumë është avancuar
Një flamur i ri, atë kombëtar ka zëvendësuar
Ndërkombëtarët kërkojnë historinë ta harrojmë
Minoritetet në vendin tonë të mbizotërojnë.

Flamuri kombëtar të mbetet në arkat e historisë
I magjishmi, simboli i vetëm i Shqiptarisë
Për këtë flamur të ri thonë se trimat luftuan
Në kohën kur ideja për 6 yjet nuk ka ekzistuar.

Popuj të ri drejt Kosovës do të vërshojnë
Një yll të ri në flamur do ta kërkojnë
Nuk ndjej krenari as unë e as artisti
Për flamurin e imponuar nga Ahtisar Nobelisti.

SKENDERAJ, 2010

Solli:Halil Xani

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30