Vdiq ish-lideri komunist, Sinan Hasani

nga **Agim Gashi** Mon Aug 30, 2010 3:32 pm

Vdiq ish-lideri komunist, Sinan Hasani

Nga Express më 29.08.2010

Pas një sëmundjeje të shkurtër e të rëndë, të dielën në Qendrën Klinike në Beograd ka vdekur në moshën 88 vjeçare Sinan Hasani, ish- politikan, diplomat dhe shkrimtar i disa veprave letrare.

Varrimi i të ndjerit do të bëhet në vendlindjen e tij, në fshatin Pozharan, në komunën e Vitisë, ka njoftuar Familja Hasani–Piraj.

Sinan Hasani është lindur më 14 maj 1922 në fshatin Pozhoran të Vitisë. Pas shkollës fillore, të cilën e kryen në vendlindje, shkollimin e vazhdon në Medresenë „Gazi Isa Begu“ në Shkup. Pas Luftës së Dytë Botërore e kryen Shkollën e Lartë Partiake "Gjuro Gjakoviq" në Beograd. Ka qenë pjesëmarrës i Luftës Nacional Çlirimtar, kurse anëtar i Partisë Komuniste të Jugosllavisë është nga viti 1942. Ka mbajtur funksione të larta në ish-Jugosllavi.

Në postin e Kryesuesit të Presidencës së RSFJ ka qenë prej 15 majit të vitit 1986 deri më 15 maj të vitit 1987, dhe ka qenë shqiptari i parë dhe i vetëm në krye të shtetit të atëhershëm jugosllav.

Pas skadimit të mandatit në Presidencën e RSFJ, Sinan Hasani, më 1990, shkon në pension dhe jeton në Budvë të Malit të Zi. Ai prapa vetës ka lënë djalin Ilirin dhe vajzën Dianën.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30