Haxhi Muhaxheri sjell poezi nga Zhaneta OGRANAJA

nga **Agim Gashi** Sun Sep 05, 2010 3:43 am

Poezi nga Zhaneta OGRANAJA

PO UROJ MBIJETESEN E ARDHMERINE....

(Udhë e mbarë shpirti i vogël: Sendli, Xheni dhe Urata, etj.)

Sendli, mbeskë, xhan, e kulluara e zemrës fëmijëri
Dhe pak ditë e do të shkelësh në brigjet e oqeanit-shkollë
Të asaj bote që ka veç dituri në përjetësi
Prite dlirë e qetë ditën që të bën mendje-hollë

Shkollimi, rruga më e drejtë në jetë për çdo gjë
Shkollimi është pasqyrë e një tjetër jete nga kjo që ke sot
Sendli, portretin tënd zbukuro aty me çdo virtyt e dlirësi. Me çdo gjë
Mos u shqetëso nga asnjë gjëmin e stuhi e paditurisë. Perversi dinak është inferioriteti në botë

Udhë e mbarë shpirtkë në udhët e diturisë
Çupkëzë, mbeskë e bukur, mu bëfsh më e bukur
Sot, sikur ia bën të dukshme Shqipërisë
Që nesër do ta bësh Shqipërinë e veten më të lumtur

Bashkë me ty, uroj gjithë vogëlushët e botës, ato-ata
Ato-ata që ulen këtë vit në bankat e shkollës për herë të parë si ty
Me gjithë zemër ju uroj, u rritshi me ëndrra, ideale të mëdha
Përdjellimin e botës, e jetës, krenarisë, fati dritë në të bukurit e të dlirët sy

Priteni-priteni me gaz, o vogëlushë, ditën e parë
Plot shpresë të parën ditë të diturisë
Ja, muza ime sot, ju uron gjithë uratat, rilindje të bardhë
Që të josheni me të vëndlindjes pasuri të bukurisë e të Shqipërisë

Në prag të këtij fillimi, fillimi im u shfaq
Më zgjojnë kujtime dhe zemrën ma mbush kujtimi
Ndërkohë, uroj mbijetesën-ardhmërinë, çdo djalë e çdo vashë
Të gjithë shpresat të jenë veç përdjellim-përparim

Për Enean, Jurgenin, nipat e mi, drejt tyre sot
Pres, shpresoj agim të ri, me dritë të pasosur
Këtë fat njerëzor, adoleshencën e rinisë i uroj kudo në botë
Nuk dua që errësira zemrat e tyre të bëj të brengosur

Përpara edhe lart me ndihmën e Atit Zot
Të rritet, të çel e lulëzojë si lule jeta e ardhmërisë
Këto vargje për ju po i bëj një kurorë të artë sot
Dhe po jua dhuroj që diell t’i bëheni ju, sidomos, Shqipërisë

Në prag të këtij fillimi, fillimi im u shfaq
Më zgjojnë kujtime dhe zemrën ma mbush kujtimi
Ndërkohë, uroj mbijetesën-ardhmërinë, çdo djalë e çdo vashë
Të gjithë shpresat të jenë veç përdjellim-përparim

Tiranë, e Premte, 03 Shator 2010

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30