Nehat Jahiu:NË ESTRADË A VETE?

nga **Agim Gashi** Mon Sep 06, 2010 9:45 pm

Nehat Jahiu:NË ESTRADË A VETE?

Zotrote më pyete-
-Në estradë a vete?
Dhe unë të përgjigjem:
-Ti, a je në vete
Përse, vallë, të vete?

Kur dua të qesh
Unë dal në shesh
Shikoj rreth e qesh
Njerëz barkaleca
Zonja karkaleca
Nëpunësa me çanta
Me të madhin bark
Shikoj burokrat
Shikoj malukat
Qesh sa kam
Shikoj ca tullacë
Shikoj ca kopracë
Që ngasin vetura
Shikoj gra e burra
Shikoj tumbullacë
Që ngrihen mbi retë
Edhe them me vete:
-Në estradë, jo, s, vete!

nga **Agim Gashi** Mon Sep 06, 2010 9:46 pm

Nehat Jahiu:LARASKA

Me zërin e saj mburret një laraskë,
seç na ngriti pluhur, seç na bëri baltë,
çirret me sa mundet zonja llafazane,
kompozoka pjesë për në festivale,

Seç na e dredh zërin, duke na kënduar
nuk pushoka veten duke lavdruar.
Për bilbilin s, pyet, as që don të flasë,
se është zonjë e madhe, hipur mbi glasë...

Mon	Tue	Wed	Thu	Fri	Sat	Sun
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31