Faton Ratkoceri:Shtigje që s'më shpien askund (under construction)

nga **Agim Gashi** Wed Sep 08, 2010 11:58 pm

Faton Ratkoceri:Shtigje që s'më shpien askund (under construction)

f'R 27-qershor-2010

20:40

Nuk e di se si është andej kah ti
por te unë edhe sonte po bie shi
ende rrugët janë të lagura
edhe pyjet i sodita e s'bëzanin
edhe shtigjet ishin lagur
edhe vazhdova t'i shkelja
shtigjet që s'më shpien askund

...

23:35

pika-pika lëshohej qielli mbi mua
secilin hap që bëja tutje - rëndohesha
secilën pikë shiu që thithte lëkura ime - lagështohesha
shndërrohesha në tjetër qenie - tjetërsohesha
as edhe një lëvizje e ndonjë banori
t'pyllit të gjendej gjëkundi
të gjithë kishin marr strehë
instinkti i tyre i kurdisur
si gjendja jote emocionale
aty kishte mungesë
gjeta vetëm
dëshpërim, vetmi, shtigje ...

shtigje që s'më shpienin askund

...

28-qershor-2010

22:52

hapi hapin e përcillnin
pika pikën si thika e mbillnin
tokën e bekuar - e të lënë djerrë
braktisje, arrati në muzg pa hënë - muzgëtirë
eh këmbët më ishin lagur - qull
e shkrrap shkrrupet muzikale
më bënë të ndjehem si muziktar
shkrrap shkrrupet shkelnin pa mëshirë
myjshen e bërë nga gjethet të rëna përtokë - skëterrë
befas edhe një shteg
dy shtigje tri që s'më shpienin askund

...

23:20

S'kam si ta di se si është sonte andej kah ti
ka mjegull e as dritën e kuqe të abazhurit tënd
se dalloj qartë - terr shi dhe qetësi
shteg pa kry - shteg që të kthen pas
e hedh hapin ti - përqethurazi
e hedh hapin unë - i platitur
e shiu vazhdon të bjerë - pamëshirshëm
dhe unë vazhdoj të lagem qull - pastrehshëm
tjetërsohem në shpirt
shpirt që sodit natën - verbërisht

...

28 gusht 2010
10:00

dielli ne mesdite sillej egersisht
kishte leshu rrezet e tij pameshirshem
smog-u ajrin e qytetit tim e sillte ne gisht te vogel
ne sillemi verdalle kot se koti
shume me makina rruget i ngulfatin
trotuaret nuk jane per kembesore
e kalimi i rruges behet me lutje perendise
shiqimin larte as qe e paramendoj
shikoj poshte e shoh vetem pluhur
berllogje gati-gati antike
me befason nje shoqeri mes armiqsh te perbetuar
macja bardh e zi perdredh bishtin
kur qeni ngjyre kafe i afrohet afer
gojehapur vazhdoj rrugetimin
shtigjet jane thare ka dite e dite pa rene shi
vetem zeri i insekteve shi-ndjellese mbreteron
e hapin vazhdoj hap pas hapi deri ne fund ...

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30