Refuzohet kërkesa e Haradinajt për lirim të përkohshëm

nga **Agim Gashi** Sat Sep 11, 2010 12:02 pm

Refuzohet kërkesa e Haradinajt për lirim të përkohshëm

Tribunali i Hagës për krime të luftës e refuzoi të premten kërkesën e ish-kryeministrit të Kosovës, Ramush Haradinaj, për lirim të përkohshëm, derisa të fillojë procesi i ri gjyqësor, duke thënë se kjo do të mund t'i inkurajonte mbështetësit e tij, që t’i frikësojnë dëshmitarët.
Në vendimin e sotëm, Tribunali i Hagës tha se Ramush Haradinaj nuk paraqet rrezik personal për sigurinë e dëshmitarëve ose të viktimave.
Por, është pranuar argumenti i prokurorëve, se lirimi i tij mund të tërheq më tepër vëmendje të mediave, duke e shtuar atmosferën kërcënuese për dëshmitarët dhe se një publicitet i tillë mund t’i inkurajojë mbështetësit e Haradinajt për angazhim në akte të frikësimit.
Michael O’Reilly, koordinator i mbrojtjes së Ramush Haradinajt, tha se “mbrojtja është e zhgënjyer”, që Tribunali i Hagës ka vendosur që të mos i ofrojë lirimin e përkohshëm.
Megjithatë, mbrojtja është e “inkurajuar nga deklarata e Tribunalit, që rigjykimi i pjesërishëm, mund të fillojë pa ndonjë vonesë dhe se ky është faktori, i cili është marrë për bazë me rastin e vendimmarrjes”.
Më tutje, O’Reilly, e vlerësoi “deklarimin pozitiv të Tribunalit, sa i përket bashkëpunimit të një niveli të lartë të z. Haradinaj me Tribunalin, duke pranuar se ai nuk paraqet rrezik për sigurinë e asnjë personi”.
Mbrojta do të konsultohet me Haradinajn, para se të vendosë se a do të ankohet kundër këtij vendimi të Dhomës së Apelit të Tribunalit. (f.b.)

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30