Kosova është njohur pas diskutimeve të gjëra

Dr. Ahmed Shaheed

Kosova është njohur pas diskutimeve të gjëra


Nga Express më 02.03.2009 në ora 11:11

Ishujt Maldive kanë njohur pavarësinë e Kosovës pas diskutimeve të gjëra me disa vende dhe për një vend 100 për qind islamik si Maldivet, njohja e pavarësisë së Kosovës është esenciale, ka thënë Ministri i Punëve të Jashtme të këtij vendi Dr. Ahmed Shaheed.

“Ne kemi diskutuar me vendet fqinje, vendet europiane, islamike si dhe me SHBA’të lidhur me këtë çështje. Gjithashtu kemi pasur diskutime me partitë opozitare në Kosovë si dhe Qeverinë e Kosovës”, tha Dr. Shaheed.

“E kaluara e Kosovës është përplot gjakderdhje dhe kur ata kanë shpallur pavarësinë e tyre me shumë vështirësi, ne si një vend mysliman, duhet ta përkrahim dhe njohim atë”, theksoi ai.
Ishujt Maldive e kanë njohur shtetin e pavarur dhe sovran të Kosovës, javë më parë. Maldivet, që shtrihen në Oqeanin Paqësor, u bënë shteti i 55-të anëtar i OKB-së që e njeh Republikën e Kosovës, e cila më 17 shkurt 2008 e shpalli pavarësinë.